MINSTEVASSFØRING OG FISK

Ved utbygging av større vassdrag til kraftproduksjon i Noreg og internasjonalt skal dei negative følgjene for fisk og biologisk mangfald kompenserast ved minstevassføring. Nivået på minstevassføringa blir ofte sett til omlag 10 % av gjennomsnittleg vassføring.

Ved utbygging av mange norske vassdrag heilt fram til slutten av 1970-talet, blei det ikkje teke saerleg omsyn til fisken og miljøet langs vassdraget, mao. ingen krav om å sleppe minstevassføring.

Revisjon av vassdragskonsesjonar blei innført av Stortinget som eit

tiltak for å betre miljøtilstanden i vassdraga.

I desse dagar handsamer NVE revisjonssaka for Tokke/Vinje-vassdraget. Dette er ei prinsipiell sak, fordi både NVE og Miljødirektoratet i 2013 har prioritert dette vassdraget på topp i Noreg i høve til der det bør sleppast minstevassføring. Den høge prioriteringa skuldast mellom anna omsyn til den kritisk truga Bandakauren og ei elvekløft av internasjonal verneverdi.

Senterpartiet meiner at det i utgangspunktet bør vere ei viss minstevassføring i alle regulerte vassdrag. Dette vil medføre noko redusert kraftproduksjon, men det vil vi klåre, ettersom Noregs totale elektrisitetsproduksjon aukar med over 500 GWh per år. Det skjer ved meir miljøtilpassa småkraft-, vindkraft- og litt solenergiutbygging. I tillegg reduserer vi energiforbruket per innbyggar. Heile landet må legge til rette for fornybar kraftproduksjon, og der kraftubygginga har skjedd på ein miljøskadeleg måte, må vi rette opp desse skadene.