Kronene trillar inn
Konsernet Telemark Bilruter (TBR) tente nesten 16 millionar kroner i fjor. Bussar og bilar i selskapet køyrde over ni millionar kilometer.
Styret skriv i årsrapporten at dei er godt fornøgd med resultatet for Telemark Bilruter.
Variert verksemd
Morselskapet åleine tente naer sju millionar kroner medan driftsinntektene utgjorde i underkant av 140 millionar kroner. Konsernet, som omsette for naer ein kvart milliard kroner, har ei variert verksemd. Overskotet i fjor før skatt på naer 16 millionar kroner var vel ein million lågare enn i 2015. Netto finanspostar på 1,4 millionar kroner pynta opp i rekneskapen.
I konsernet er Telemark Godslinjer AS (TG) eit viktig dotterselskap - der TBR eig direkte 65 prosent av aksjane. Dette selskapet driv med transport for Schenker, Bergene Holm og Renovest. TG omsette for over 67 millionar i fjor, og overskotet på 3,9 millionar kroner var ein million høgare enn føregåande år.
Sentrale i Grenland
To andre dotterselskap, Telemark Transportservice og Telemark Transport & Spedisjon, båe lokalisert på Kjørbekk i Skien, driv hovudsakleg med distribusjonskøyring for Schenker i Grenland og Vestfold. Vidare er Skiens-avdelinga ein stor aktør på konteinarkøyring. Dei to selskapa omsette for til saman 40 millionar og skapte eit overskot på over 2,5 millionar kroner. Telemarkekspressen og Haukeliekspressen er dei mest kjende verksemdene til Telemark Bilruter. Inntektene deira går inn i Telemark Ekspressbusstrafikk AS. Dette heileigde dotterselskapet omsette for naer 60 millionar kroner. Overskotet på 2,2 millionar kroner var eit lite hakk under føregåande år, men må nok sjåast i samanheng med at selskapet i fjor haust sette i gang med ruter kvar halvtime mellom Bø og Skien. Ei slik satsing kostar i startfasen.
På flyttefot
Telemark Bilruter er elles på flyttefot. Selskapet har inngått ei opsjonsavtale om kjøp av eit område på 70 dekar mellom Bygadaråi og E134 i Nordbygdi i Seljord.
Disponent Svein Olav Straand i seier i ein kommentar til varden at han er godt fornøgd med resulattet, og at det var eit normalt år. Straand peikar på at dotteselskapa går godt, og at lågare drivstoffutgifter i 2016 slo svaert positivt ut for selskapet.