Nei til alt frå Senterpartiet?
Trur du at Senterpartiet er eit parti som seier nei til det meste og som ikkje torer «å sjå ut av vindauget» og ta inn over seg dei samfunnsendringane som er «der ute»?
Dette er sjølvsagt feil. Senterpartiet har begge beina godt planta på jorda og ynskjer å ta vare på alt som er bra og som går bra, men vi er sjølvsagt opptatt av å bidra til naudsynte val og prioriteringar tufta på ei ynskja og frivillig samfunnsutvikling på Norges veg inn i framtida.
Senterpartiet seier difor ja til mellom anna offentlege tenester innanfor m.a. politi, helse, skule, skatteetat og NAV skal vera naer folk. Eit styrka heimevern og forsvar til bruk både ved sivile kriser og i krig. Eit maksimum antal elevar for kvar laerar i barne- og ungdomsskulen.
Sp seier og ja til å ta vare på dagens laerarar med lang erfaring og god kunnskap ved ikkje å gje nye krav til kompetanse tilbakeverkande kraft. Vi ynskjer overgangsordningar. Vi menier og at naturressursane høyrer til folket. Senterpartiet er derfor imot sal av naturressursane («arvesølvet») til private/aktørar utanfor landegrensene. Likeeins ynskjer vi å halde på dei gullkanta aksjane i dei statlege selskapa. Me vil ha eit kritisk blikk på styring fra EU gjennom EØS – avtalen. Sikre ein best muleg nasjonal styring av det samfunnet vi ønsker å utvikle. Ei spesiell auka satsing på kollektivtransport innanfor Intercity området, samtidig som vi fortsatt ynskjer satsing på jernbane og veg der offentleg transport ikkje er naturleg. Sp vil og bidra til ein trygg alderdom for alle ved eit tilpassa tilbud til kvar enkelt menneske, ny modell for drift av sjukehus som reduserer byråkratiet og bidrar til eit forsvarleg tilbod naer folk, og bidra til sosial trygghet for alle og gjennom val og prioriteringar syte for mindre uønska sosiale forskjellar blant folk.
Sp vil ta heile Norge i bruk, bidra til livskraftige distrikt og bygdebyar. Sikre fortsatt verdiskapning der ressursane er. Senterpartiet er for å sikre, vidareutvikle, styrke og ved det, prioritere det offentlege tenestetilbodet – vi er kritiske til auka privatisering av dei tenestene som normalt er eit offentlig ansvar. Dette oppnår vi best ved å sikre ein god kommuneøkonomi. Ikkje sit heime den 11. september – gjer eit val, eit godt val!