Vil vengeklippe to ppane
Fleire i det politiske miljøet tek no til orde for å redusere makta til administrasjonen i Bø kommune.
Reaksjonane i bygda er svaert kraftige etter avsløringane i Varden om at rådmann Åse Egeland og delar av korpset hennar har fått lønnsauke på frå 120.000 - 200.000 kroner i året.
I tillegg har dei sikra seg ekstra fridagar som kompensasjon. Lønnshoppet for nokre av toppane tilsvarar rundt 23 prosent, medan ramma elles i landet i lønnsoppgjera ligg på i underkant av tre prosent.
Både rådmannen og ordførar Olav Kasland - som gav Egeland så høgt lønnstillegg – har forsvara auken her i avisa. Dei viser til at arbeidsbelastinga har auka kraftig etter samanslåinga med Sauherad og at lønningane er blitt harmonisert.
Må handle
– Me må vurdere fullmaktene til administrasjonen når dei forsyner seg slik av fatet og sjefane viser så liten takt og tone.
Andre må vise moderasjon. Dette kan få uante konsekvensar, seier tidlegare varaordførar og nover ande kommunestyrerepresentant for Frp, Bjørn Magne Langkås, i ein kommentar til Varden.
– Dette er umusikalsk, saerleg over for innbyggjarane. Eg er både overraska og skuffa over at dei gjer dette, seier Bjørn Magne Langkås.
Han re knar med at delegasjons reglementet og fullmaktene til administrasjonen kjem på den politiske saklista seinare i haust.
Ei plikt
Mangeårig ordførar, noverande styremedlem i Bø Arbeiderparti og leiar av kontrollutvalet, Arne Storhaug (Ap), meiner politikarane er plikta til å diskutere dette når reaksjonane mot lønnsoppgjeret til kommunetoppane er så sterke.
– Det har vore ein trend å delegere. Delegasjon er gjort i ein tillit til at fullmaktene blir bruka på ein måte som dei folkevalde ønskjer. Politikarane kan når som helst trekkje tilbake slike fullmakter. Viss administrative avgjerder ikkje har legitimitet, må politikarane ta ei vurdering. Eg blir derfor overraska om denne saka ikkje vert teke opp i det politiske systemet, seier Arne Storhaug.
Ingen kommentar
Rådmann Åse Egeland ønskjer ikkje å uttale seg om saka knytt til fullmaktene.
– Dette vil eg ikkje kommentere, seier ho.