Ein tredel tener over millionen
Ein tredjedel av rådmennene i Noreg tener over ein million kroner.
Det syner ei undersøking som bladet Kommunal Rapport gjorde i mai i år, basert på lønningane per 1. desember 2016. Den baserte seg på opplysningar frå 320 kommunar.
Har ei god lønn
– Så rådmannen i Bø og Sauherad har ei relativt god lønn, utan å vere i toppen, men kommunen er vel heller ikkje så stor. Skal du bli rik i Noreg, er likevel ikkje ei rådmannsstilling valet ein bør ta. Det er stort ansvar og lita inntekt samanlikna med tilsvarande bedrifter i naeringslivet, seier nyheitsredaktør Ole Petter Pedersen i ein kommentar til Varden.
Bør ha ei god forklaring
Han meiner at sjefane i Bø og Sauherad bør ha ei god forklaring på lønnshoppa, og at slike tillegg lett kan forsure miljøet.
Varden har sjekka lønnsnivået elles i fylket og her er nokre døme: Rådmann Svein Aannestad i Notodden har per i dag ei årslønn på 1.090.000 kr og tillegg for åremålsstilling på 110.000 kr - totalt 1,2 millionar.
Rådmann Ole Magnus Stensrud i Skien har per i dag ei årslønn på 1.030.000 kr- og eit åremålstillegg på 300.000 kro - totalt 1.330.000 kr.
Ifølgje oversikta i Kommunal Rapport tente rådmann Tore Marthinsen i Bamble 1.163.000 kr per 1. desember 2016 medan lønna for Tinn- rådmann Rune Lødøen var 900.000 kr på same dato. Rådmann Bjørn G. Andersen i Nome tente da 862.500 kr og kollega Ketil O. Kiland i Fyresdal 804.000 kr.
Ifølgje Kommunal Rapport tener statsminister Erna Solberg naer 1,6 millionar kroner, statsrådane i underkant av 1,3 million ar og stortingsrepresentant anen a er 907.000 kr.