Natur og materielle trekkplaster
Menneskesynet, behovet og livsstilen har endra seg gjennom åra i takt med den teknologiske og materielle «velstandsutviklinga», men naturen er den same.
Det urørte naturlandskapet aleine er ikkje lenger nok for å trekke oss på tur inn i naturen. Det må noko meire til i tillegg til den oppleving, spenning, kunnskap og glede naturen gjev oss på turen. Me treng ulike former for materielle «trekkplaster» for å få oss lettvindt ut på tur.
Omfattande bearbeidde og
mest mogleg tilrettelagte turvegar, sikringsbuer, kvilebuer og benkar, helikopter- eller småflytransport til eksklusive turmål, skulpturar og monument, salgsbuer, prangande infotavler kombinert med marknadsføring, utsiktspiler og kikkertmontasje, høg grad av annan teknisk tilrettelegging osb, gjer turen meir tiltrekkande og interessant.
Noko av dette
er sjølvsagt sikkerheits- og trivselsskapande, og er nødvendig og vel og bra, men samtidig tek det frå oss fokuset på sjølve naturopplevinga, spenninga, nysjerrigheita, observeringa og undringa over detaljar i naturen. Her har barna noko å laere oss vaksne med si nysjerrige, spørjande og søkande tilnaerming til det dei oppdagar i naturen.
Kva er årsaka
til dette materialistiske behovet? Me lever i ei materialistisk og teknologisk verd, og er sjølve materialistiske og opptekne av teknologi. Dette dreg me med oss i staden for å frigjere oss frå det når me eigentleg burde koble av frå dagleglivets stressande påverknad
Det er stas
og tryggleik med tilrettelagt natur prega av materielle og tekniske element. Og helst skal dette opplevast med teknisk utstyr hjelpe- og sikringsutstyr og siste design i turantrekk.
Denne dragninga mot
det tilrettelagte, komfortable og trygge har å gjere med det daglege tilveret for dei fleste av oss, der me har fjerna oss frå naturen og i stigande grad tilnaerma oss det materielle og tekniske som overskygger den ekte naturopplevinga. «Tilbake til naturen» sa ein vis person i tida. Nå er dette meir aktuelt enn nokon gong.