Gir meir hjelp heime
Pasientar som treng rehabilitering i øvre delar av Telemark får framover meir hjelp i naerområdet sitt.
Dette er resultatet av eit tettare samarbeid mellom Sykehuset Telemark og Vinje kommune. Regjeringa slo fast i fjor haust at det er eit viktig mål at pasientar skal få mest mogleg hjelp i eigen heim. For å få til dette, er godt samarbeid mellom kommunar og spesialisthelse t ene sta viktig.
Sykehuset Telemark har fire senger for igangsett rehabilitering - og i Telemark er det få private aktørar som tilbyr døgbasert rehabilitering. Derfor er innsatsen til kommunen i samarbeid med spesialisthelse t ene sta viktig for å få god rehabilitering, ifølgje Sykehuset Telemark.
Ut til heimane
Ei av gruppene som det blir satsa på framover, og som kan få meir oppfølging i heimkommunen, er pasientar med samansette behov etter slag eller andre alvorlege sjukdommar/ skader.
– Etter at rehabiliteringa er ferdig på sjukehuset, blir den vidareført i heimkommunen. Der blir det sikra god oppfølging ved at helsepersonell frå sjukehuset kan dra ut til heimane. Dette er ei ambulanseteneste, seier seksjonsleiar Caroline Torskog ved Poliklinikk for fysikalsk medisin og arbeidsrettet rehabilitering. På dette viset er sjukehuset og kommunen sa man om det gode rehabiliterings forløpet. Bakgrunnene r blant anna dei lange avstandane som det er frå Vinje og Tokke ned til sjukehuset i Grenland. Gjennom videokonferansar, eller telemedisin, kan lokalt helsepersonell også konferere med ekspertar innanfor ulike fagfelt på sjukehuset. Videokonferansar kan vidare gjennomførast med pårørande, for at dei skal sleppe bilturar på 25-30 mil.
Tilbake i arbeid
Arbeidsretta rehabilitering (ARR) er eit anna tilbod som no blir meir desentralisert. Det har vore i drift i fem år, og her jobbar fagfolk – i tett samarbeid med Nav – kontinuerleg for å vidareutvikle samarbeidet med lokale aktørar og tiltak i kommunane. Målet er å auke deltakinga i arbeidslivet, og aktuelle grupper er personar med til dømes muskel- og skjelettplager, eller personar med lettare psykiske plager.
– ARR er eit dagbasert tilbod med lokalisering i Porsgrunn. Reisevegen er lang for dei som bur øvst i fylket. Me gjorde avtale med Tinn kommune i fjor, og no utvidar sjukehuset det til Tokke og Vinje. Teamet skal ha dagtilbod på helsehuset i Åmot etter behov. Det består av lege, psykolog, fysioterapeut og arbeidskonsulent frå Nav. Målet er at pasientane skal oppleve ei forbetring av funksjonsnivået, for å ta vare på arbeidsevne, seier Caroline Torskog.