Raude tal på røye
Telemarkrøye AS gjekk med dundrande underskot i fjor.
Årsrapporten frå oppdrettsselskapet syner at i 2016 var tapet nesten det firedoble av inntektene.
Langt under budsjett
Driftsinntektene utgjorde naer 1,6 millionar kroner medan det ordinaere resultatet før skatt syner eit underskot på nesten seks millionar kroner.
Salet gjekk langt dårlegare enn budsjett. I årsrapporten for 2015 heiter det at forventa salsvolum ligg på 50-60 tonn, med inntekter på 3,5 millionar kroner.
I tillegg til inntektssvikten eksploderte kostnadene – frå 2,5 til 7,2 millionar kroner, går det fram av den innsende rekneskapen.
Ny kapital
Berre i løpet av dei to siste åra har selskapet tapt 8,3 millionar kroner. Eigenkapitalen blei såleis negativ, men ei kapitalinnsprøyting på om lag 18 millionar kroner pynta opp i rekneskapen – så ved årsskiftet var eigenkapitalen på 8,3 millionar kroner.
Ifølgje aksjonaeroversikta er Arve Bakken AS - eit handelsselskap frå Notodden - største aksjonaer med 18,43 prosent. To eigedomsselskap frå Egersund, Mongbakken AS og Kontrazi AS, har båe 17 prosent. Eigarane av desse selskapa er involverte i Akva Group AS i Stavanger og elles i fiskeindustrien.
Ekteparet Ingeborg og Jonny Aketun sit no igjen med 5,14 prosent kvar. Etter kapitalinnsprøytinga er tidlegare styreleiar Lars Bjaadal blitt vanleg styremedlem medan Hans Kristian Mong, som eig Mongbakken AS, har overteke rolla som sjef i styret.
I årsrapporten for 2017 spår òg styret ei omsetning på 50-60 tonn og inntekter på 4-5 millionar kroner.
Tek tid
Dagleg leiar Mads Dorenfeldt Jenssen ved Telemarkrøye AS opplyser i ein epost til Varden at det tek tid å kome opp i volum når ein startar med ei lokal stadeigen stamme.
– Så langt har det teke 2436 månader før fisken oppnår slaktevekt.Me har hatt stor byggjeaktivitet og no er infrastrukturen på plass. Produktet er blitt svaert godt motteke i marknaden. Både tidlegare og nye eigarar har delteke i kapitalutviding, og det er sjølvsagt motiverande å ha slik støtte og kompetanse i ryggen, skriv Mads Dorenfeldt Jenssen.