Ja til Telemark, nei til tvang
Å slå saman Telemark med Vestfold er framleis ein like dårleg ide. Valet forandra ingenting på det. Regionreforma er sentraliserande, oppgåvene er fullstendig fråverande, og det førre Stortinget gjennomførde fylkessamanslåing med tvang.
Det er eit paradoks å gjennomføre slike saker med tvang. I ei tid der dei største utfordringane i Europa er avstanden mellom folk og dei som styrer. Svaret er eit levande folkestyre og stor påverknad lokalt. Ikkje denne type tvangsvedtak.
Telemark fylkeskommune er i høgste grad kompetent til å ta seg av dei oppgåvene dei skal utføre. Og det er den same fylkeskommunen som i sin tid og hadde ansvaret for sjukehusa. Med dagens få oppgåver vil nye store regionar verte store byråkratiske einingar med lite innhald. Telemark Senterparti har sagt at skal det vere noko
logikk i å diskutere større einingar så må store oppgåver flyttast frå stat til fylke. Sjukehusa er det beste eksempelet på det.
Det nye Stortinget har ein unik mogelegheit til å reversere desse vedtaka og stø opp om eit levande folkestyre. Det er fremja forslag i Stortinget om å gjere om alle tvangsvedtak, inkludert Telemark og Vestfold.
KrFereit parti som historisk sett har hatt samanfallande syn med Senterpartiet om lokaldemokrati og folkestyre. Slik saka står nå så er den i KrF sine hender. Det er vårt håp at KrF i denne viktige saka står fast ved sine verdiar og stemmer for å oppheve vedtaka om fylkessamanslåing som er gjort med tvang. Det har KrF mogelegheit til utan å vere bunde av tidlegare avtale med regjering.