La navnet bli Vestfold og Telemark
Slik det ser ut, blir det altså til at fylka Telemark og Vestfold slår seg saman.
Så kjem problemet med at storfylket må ha eit namn. Då er det viktig at det blir teke delar eller heile namnet frå båe fylka. Det kan til dømes vera Vest-Tele fylke. Eller Vest-Telemark fylke. Men det går sjølsagt ikkje. Vest -Telemark er bruka frå før som definisjon på dei seks kommunane som ligg vest i Telemark. I eit par år nå har eg vore med i styret for Norges Korforbund. Der har fylka Vestfold og Telemark hatt samarbeid over fylkesgrensene i fleire år. Men begge fylkesnamna har heile tida vore med. Nokon av oss representerar Telemark og andre Vestfold. Me er naboar og vel forlikte, men felles interesse i sang. Og namnet er Vestfold og Telemark korforbund Eg ser at Språkrådet anbefalar at om ein skal legge vekt på uttaleforhold,- så fell det mest naturleg å uttale med Vestfold fyrst. Altså Vestfold og Telemark fylke. Alfabetisk rekkefylge er ikkje så viktig etter mitt syn. Me har mange eksempel på fylke med namn som gjer det lett å finne ut kvar dei er lokalisera. I mange år har me hatt fylkesnamna: Møre og Romsdal, Sogn- og Fjordane, Aust-Agder, Vest-Agder osb. Nå er det slik at fleire fylke rundt i landet står framføre det same vanskelege valet som Vestfold og Telemark skal taka stilling til. Å konstruere heilt nye namn er ikkje klok politikk og fører berre til usemje. Mitt klare råd til politikarane er å bruke båe fylkesnamna og at det nye namnet blir Vestfold og Telemark fylke.