Bø får nytt anlegg til 150 millionar
I april/mai bli spaden sett i jorda for ny kunnskapspark i Bø.
Det opplyste ordførar Olav Kasland (V) i juletala si til kommunestyret måndag kveld.
Parken blir på 8.000 kvadratmeter. Arealet skal delast i to - den eine delen omfattar naeringspark og den andre 120 nye studenthyblar. Ifølgje ordføraren skal jobben no sendast ut på anbod, og planane vil bli presentert om kort tid, kanskje før jul.
Svaert stor interesse
– Dette er noko av det store som har skjedd i Bø etter etableringa av høgskulen og Sommarland. Investeringa blir på minst 150 millionar kroner, seier ein glad ordførar til Varden.
Han opplyser at det er veldig stor interesse for å leige areal i naeringsparken, og at slike satsingar skapar auka attraktivitet.
Løft for hotellet
Kasland er heller ikkje i tvil om at 120 nye, flotte studenthyblar vil gjere Bø som studiestad enda meir populaer. No har bygda temmeleg nøyaktig 3.000 studentar. Kunnskapsparken er planlagt i området ved Bø Hotell.
– Denne realiseringa av parken betyr eit løft for Bø Hotell som er svaert viktig for lokalsamfunnet, høgskulen og Telemarksforsking, understrekar ordførar Olav Kasland.
Lite rokeringar
Den store saka i kommunestyret måndag kveld var budsjett for 2018 og økonomiplan for dei fire neste åra. Av eit budsjett på kring 390 millionar kroner vart det flytta på under ein promille i formannskapet i forhold til framlegget frå rådmannen. Blant endringane var blant anna lågare satsar på skulefritidsordninga. Kommunestyret slutta seg til den samrøystes innstillinga frå formannskapet.
– Noko av styrken til Bø er politisk semje og at me dreg saman, understreka Venstre-veteranen Bergit Askildt Myrjord. Karin Hagen (Ap) var svaert godt fornøgd med reduserte SFO-prisar.
Ho opplyste at fleire foreldre har kutta ut ordninga fordi den er for dyr.
Skal vurdere solcelleanlegg
Oppgradering av kommunehuset er den store posten i investeringsbudsjettet. Ingebjørg Ø. Nordbø frå Miljøpartiet dei grøne fekk heile kommunestyret med på ein uttale om at administrasjonen vurderer installering av solcellepanel.