Er med på bankopprør
To sparebankar i Telemark seier opp avtala med Eika Gruppen. Grunngjevinga er alt for høge datakostnader.
▶ Drangedal Sparebank og Sparebanken Din er to av elleve bankar i grupperinga som er med på bankopprøret. Bankane meiner at dei blir påført urimeleg høge datakostnader ved denne medlemskapen. I snitt går 59 prosent av inntektene i Eikabankene til kostnader. Ifølgje banksjefane meiner naeringa at talet bør vere 18 prosentpoeng lågare.
Tapar fem millionar i året
– Kostnadene i bank må ned. Sparebanken Din kan spare fem millionar kroner i året ved andre dataløysingar. Desse millionane ønskjer me å bruke til å styrke eigenkapitalen. Målet vårt er ingen konflikt, men å vekkje leiinga og styret i Eika Gruppen, opplyser banksjef Ben Roger Elvenes i Sparebanken Din til Varden.
Han får full støtte av kollega Kjell Naerum i Drangedal. Naerum har ikkje eksakte tal for sin bank, men seier at meirkostnaden ved å vere med i Eika Gruppen utgjer millionbeløp.
Oppseiinga trer i kraft frå 1. januar 2019, med ei løpetid på tre år. Det betyr at bankane frå Telemark fyrst er ute i 2022, om det ikkje skjer endringar som medfører at dei ønskjer å behalde medlemskapen. Oppseiinga får ingen konsekvens for kundane før eventuelt i 2022.
– Me har reelle alternativ til andre dataløysingar om Eika Gruppen ikkje senkar kostnadene. Derfor har me gode kort på handa, seier banksjefane.
Både Naerum og Elvenes meiner at lokale banktilbod er viktig for kapitaltilgangen i distrikta. Dei viser her til at god lokalkunnskap sikrar naeringslivet raskare tilgang på kreditt.
– Den kostnadsutviklinga me har sett i Eika Gruppen, er ikkje berekraftig på sikt, meiner Naerum og Elvenes.
Solid vekst
Drangedal Sparebank - med kontor i Drangedal, Sannidal, Porsgrunn og Ulefoss- har 31 tilsette og ein forvaltingskapital på vel tre milliardar kroner. Utlåna utgjer 3,7 milliardar kroner.
Sparebanken Din, som er lokalisert i Skien, Bø, Seljord og Åmot, forvaltar kring 4,9 milliardar kroner. Banken har 43 tilsette og utlån på om lag 4,3 milliardar kroner.
Båe banksjefane seier at veksten i fjor var svaert god.
– Drangedal Sparebank fekk 500 nye lånekundar, ein vekst på 16 prosent, fortel Kjell Naerum. Ben Roger Elvenes opplyser at i hans bank blei det ein kundeauke på meir enn ti prosent.
▶ Halvor Ulvenes