Telemark får ny gullrek
Skiesset Therese Johaug kjem til Telemarksveka. TV2 har åtte dagar med sendingar i samband med arrangementet.
▶ – Me er stolte over å få til dette. Desse sendingane har ein reklameverdi på eit tosifra millionbeløp, seier prosjektleiar Tormod Hynne.
Over millionen
– I fjor hadde sendingane på TV2 1.047.000 sjåarar, og desse fekk oppleve det beste Telemark har å by på innan sport, kultur, reiseliv og naeringsliv, legg han til.
Også i år vert innslag på God Morgen Norge på TV2. Dei vil besøke utvalde destinasjonar i i Telemark i perioden 18. - 22. juni. Vidare er det duka for direktesendt familieshow frå Bø Sommarland om kvelden fredag 29. juni. Korleis sendingane frå konkurransane i Telemark blir på hovudkanalen til TV2, er ikkje spikra. Hynne er veldig godt fornøgd med å kome i selskap med fotball-VM.
Trekkplasteret
Det store trekkplasteret til sommaren blir utvilsamt publikumsyndlingen, Therese Johaug. Ho har vore utestengt sidan hausten 2016 på grunn av dopingdommen. Johaug skal gå både sprinten i Bøgata og Kanalrennet.
– Comebacket kan skje i Telemark, men det er ikkje avklart om ho kjem til å gå nokon konkurranse før dette, opplyser Hynne.
Andre namn
Han byr også på mange andre namn. Desse har sagt ja per i dag: Martin J. Sundby, Astrid Uhrenholdt Jacobsen, Eirik Brandsdal. Didrik Tønseth, Sjur Røthe, Pål Golberg, Simen Hegstad Krüger, Sindre Bjørnestad Skar. Sondre Turvoll Fossli, Niklas Dyrhaug, Håvard Solås Taugbøl og Ragnhild Haga. I tillegg kjem rekruttlandslaget, pluss landets beste profflag.
Northug og Klaebo?
Tormod Hynne seier til Varden at han jobbar både med å få stjerner som Petter Northug og Johannes Høsflot Klaebo til arrangementet. Dette blir avklart seinare.
– Northug var påmeldt i fjor, men kunne ikkje stille på grunn av sjukdom. Me har fått signal om at dette var dei lei seg for, noko som er eit godt signal, seier prosjektleiaren frå Bø.
Blar opp
Han opplyser at budsjettet har auka med 500.000 kroner frå i fjor - til 3,5 millionar kroner. Det lokale naeringslivet sponsar med beløp på godt over ein million kroner. Reiselivet spyttar inn 800.000 kroner, og dei tre kommunane Bø, Nome og Sauherad har løyvd 200.000 kroner kvar. Telemark interkommunale naeringsfond støttar veka med ein halv million kroner.
Ekstremt viktig
Bø-ordførar Olav Kasland seier at sendingane på TV2 betyr ekstremt mykje for både Sommarland og reiselivet elles.
– Dette opplegget er berre positivt. Me vil gjerne ha med flest mogleg kommunar og destinasjonar i programmet, seier Bø-ordføraren.
Kollega Bjørg Tveito Lundefaret i Nome seier at rulleskirennet i Lunde på sundag gjer folke glade i og stolte av bygda si.
– Dette er gull verdt for lokalsamfunnet, seier ho.
Sauherad-ordførar Mette Haugholt peikar på at det ikkje vert arrangert noko renn i kommunen hennar, men ho understrekar reklameverdien av innslaga.
Gode moglegheiter
Caroline Laurhammer, som er direktør for Visit Telemark, ser fram til å vere ein del av Telemarksveka også i 2018.