Edy Poppy klar for Amerika
Boka Anatomi. Monotoni av Edy Poppy kjem i mars ut på eit amerikansk forlag.
– Dette kan bli mitt internasjonale gjennombrot. Det har vore ein draum å få litteraturen min gjeve ut på engelsk, seier forfattaren frå Bø over ein kaffikopp på kafeen Roxy i Bøgata. Kjende trakter for Ragnhild Moe, som skriv under psevdonymet Edy Poppy.
Det er den erotisk-filosofiske boka Anatomi.Monotoni, som ho gav ut på Gyldendal i 2005, som no kjem ut i Amerika. Boka gjekk til topps i konkurransen til Gyldendal om beste norske kjaer- leiksroman. Den er tidlegare omsett til tysk, polsk, italiensk og finsk.
Det amerikanske forlaget Dalkey Archive Press kjøpte rettane til boka for fleire år sidan, og den har også kjøpt rettane til novellesamlinga SammenBrudd som kom for åtte år sidan.
– Det er moro at dei satsar på forfattarskapen min. Det er eit kjend amerikansk forlag som har gjeve ut bøker av Jon Fosse, Kjell Askildsen, Stig Saeterbakken og Kjersti Skumsvoll, seier Ragnhild Moe.
God «timing»
– Det vert lansering i London, Dublin og forhåpentlegvis New York. Forlaget meiner at «timinga» er god. Boka mi handlar om opne forhold, og fjernsynskanalen CNN har nettopp hatt fokus på dette temaet, seier forfattaren.
Som Varden fortalde om i ein stor reportasje i slutten av november, har Edy Poppy og kunstnarkjaerasten Julian Blaue delvis flytta inn i ein brannbil saman med dei to barna som blir tre og eitt år i mai.
– Eg har lyst å reise til lanseringa i London med brannbilen, seier Bø-kvinna som alt i 1992 som 17-åring - flytta til Montpellier og deretter til London.
Edy Poppy skriv nokså sjølvbiografisk, og har ikkje vore tilbake i London på svaert mange år.
– Da får eg besøke eit gamalt «eg» i boka, seier ho.
Filmbransjen neste
Edy Poppy har også blitt kontakta av filmbransjen.
– Dei har venta på omsetjing til engelsk, seier ho.
– Du kan bli rik?
– Kven veit, seier forfattaren som ikkje legg skjul på at ho lever svaert nøkternt. Ho sper på inntektene med undervisning både i Trondheim, Oslo og Bø.
Edy Poppy meiner at rolla som mor inspirerer henne som forfattar. No er ho i sving med ein ny roman, og nyttar all ledig tid til å skrive.
– Også i den nye romanen brukar eg mykje av meg sjølv, seier forfattaren frå Bø.
Det har vore ein draum å få litteraturen min gjeve ut på engelsk.
Edy Poppy, forfatter