Små og store frydar seg over biblioteket
Seljord har fått nytt bibliotek til 8,5 millionar kroner. Både små og store frydar seg.
▶ – Folk er veldig begeistra, seier biblioteksjef Britt Haugland som sjølv stråler over dei nye lokala på 430 kvadratmeter.
– Me er kjempefornøgde og har fått ein heilt ny kvardag. Biblioteket har alt på ei flate og inventaret er nytt. Sjølv er eg mest begeistra for hyller på hjul og den gode plassen. Før måtte nesten folk sitje oppå kvarandre, seier Haugland som har hatt stillinga i 20 år.
No har biblioteket òg fått eigen lesesal, der publikum kan fordjupe seg i fred og ro. Handikappa personar, som til dømes brukar rullestol, får god tilgang til biblioteket. Slik var det ikkje tidlegare.
Sjølvbetening
Ein låneautomat vil gje etter kvart gje publikum - som registrerer lånekortet sitt - betre tilgang til biblioteket. Det har 10.000 bøker, og inkludert avdelinga i Flatdal er samlinga på 13.000.
– Via automaten kan folk låne bøker i den tida Granvin kulturhus er ope. Dei fire fyrste dagane i veka er opningstida der til klokka 22, seier biblioteksjefen som dei siste åra har hatt kring 8.000 besøk i året. Ho reknar med at dette talet vil auke med det nye biblioteket.
– Me satsar på å vekse saman med Granvin. Folk kan også handle i kafeen på kulturhuset og ta med seg varene inn i biblioteket, seier Britt Haugland.
Så fornøgde
Granvin Kulturhus har ført opp tilbygget til 8,5 millionar kroner, og så leiger kommunen lokale for biblioteket. Arkitekt Bjørn Aase har teikna tilbygget.
Biblioteket vart offisielt opna tysdag kveld av styreleiar i Granvin Kulturhus, Gunnar Eilefstjønn. Varaordførar Jon Svartdal fekk aera av å klippe snora, og det var ei rad blomsterhelsingar frå både lokalsamfunnet og regionalt nivå. Felejenter frå musikkskulen og
GOD KARAKTER:Både
Haege Manheim underheldt ved opninga. Etterpå var det litteratursamtale mellom forfattar Helga Flatland og Anne Sofie Tresland.
Tidlegare på dagen var det framsyning av 2. klasse ved Seljord barneskule. Dei 30 skulebarna underheldt for 14-15 smårollingar frå barnehagen. Mange skuleungar kom til utover dagen. Fire store blautkaker blei etne opp i løpet av kort tid. Etter opninga vart biblioteket raskt teke i bruk av både skule og barnehage. Onsdag var klasse 6 a frå Seljord barneskule samt ungar frå barnehagen på besøk.
Fornøgde barn
Dei gjev god karakter til det nye anlegget.
– Det blitt kjempefint, seier 6.-klassingen Sunniva Bredesen. Klassekameraten Sissel Romtveit er òg svaert godt fornøgd og seier at biblioteket er blitt veldig stort.
Halvor Ulvenes ▶