Bø får nytt hagesenter
Felleskjøpet i Bø skal byggje nytt hagesenter til kring sju millionar kroner.
Bygginga starta onsdag morgon, og bedrifta har alt søkt etter tilsette. Senteret vil sysselsetje 1,3 årsverk. Senteret blir på 240 kvadratmeter og i full høgde.
Det skal stå klart 1. mai i år. Opphavleg var meininga å etablere den nye butikken i 2019, men planane er blitt forsert.
Topp tre i landet
– Moro at Felleskjøpet vil satse i Bø. Butikken vår har no den tredje største omsetninga i landet. Den ligg på naer 70 millionar kroner, seier avdelingssjef Kristen Bråthen.
Bråthen seier at konkurransen på jordprodukt er blitt langt tøffare dei siste åra, og at selskapet tek denne investeringa for å vere i forkant dersom Plantasjen etablerer seg i Bø. Felleskjøpet i Bø har totalt ei årsomsetning på rundt 220 millionar kroner. Bedrifta har 23 tilsette som sysselset om lag 20 årsverk. Bråthen seier at avdelinga gjev eit bra overskot, men konsernet har som politikk ikkje å gje opp dei einskilde resultata.
Detandre
Dette er det andre hagesenteret Felleskjøpet opprettar. I fjor blei det fyrste etablert på Kløfta, og det har fått ei omsetning på sju til åtte millionar kroner fyrste året.
– Det står att å sjå om me klarer dette. Dette senteret blir mindre enn Plantasjen, men kundane vil finne det andre har, legg Bråthen til. Det er entreprenørfirmaet Groven og Karlsen AS i Bø som fekk grunnarbeidet. Onsdag var dei i ferd med å fjerne topplaget med snø og is.
– Etterpå må dei tine området. Dette betyr ekstra kostnader, men konsernet «svelgde» dette, seier Bråthen.
Telemark Byggentreprenør på Gvarv skal stå for oppføringa av bygget i element
Bråthen er spent på korleis det blir med søknader til dei nye stillingane.
– Dei som skal ha jobben må ha litt peiling på planter, seier Kristen Bråthen.
▶ Halvor Ulvenes