Vinje-profil fyller 80
Den tidlegare ordføraren er no lokallagsleiar i Senterpartiet. I dag fyller Olav Nordstoga 80 år.
– Det var moro å sitje i ordførarstolen. Eg er fornøgd med at med fekk festa høgskulen til Rauland gjennom nybygget. Elles er eg glad for utbygginga av barnehagar, seier jubilanten som sat med klubba i perioden 1995-99. Han kom inn i kommunestyret i 1991.
Han fortel vidare at det var brysamt med alle tingingane om kraftavtaler.
Utdanna laerar
Olav er fødd på garden Plassen, der diktaren Aasmund Olavsson Vinje også voks opp. Olav gjekk barneskulen i Smørklepp og framhaldsskulen i Åmot. Etterpå bar det til det fireårige gymnaset i Bø. Etter sersjantutdanning i militaeret, hadde han laerarpostar både på Garvikstrondi i Seljord og i Baerum. Sidan vart det den offentlege laerarskulen i Oslo. Han tok også eitt år med universitetsutdanning i folkeminne.
I 1963 gifta han seg med Ellen Godal.
– Me trefte kvarandre i Telelaget i Oslo. Eg var med i teatergruppa der, fortel han. Etterpå hadde dei laerarpostar både i Masi i Kautokeino og i Vågå. Han var laerar i elleve år i Haukeli, og overtok garden i 1970. I 1989 bygde han nytt kufjøs, og blei da heiltidsbonde.
Olav har vore levande engasjert i både mållaget og historielaget, og ser lyst på framtidsutsiktene for nynorsk.
– Folk er blitt meir bevisste på å bruke språket sitt, meiner han. 80-åringen jobba hardt før valet og partiet hans oppnådde nesten 40 prosent i Vinje.
– Eg var deprimert nokre dagar over at det ikkje bli regjeringsskifte. Det ser ikkje så lyst ut for distrikta med all sentraliseringa, seier han.
Stor fest
Ellen og Olav Nordstoga har fire barn, deriblant dei profilerte sønene Aasmund og Odd. Familien feirar han med stor fest og over 100 inviterte gjester på Vinjar laurdag kveld. 80-åringen seier at både barn og barnebarn skal underhalde.
– Stas når barna gjer det så bra?
– Moro det veit du, avsluttar Olav Nordstoga.
Gratulerer med dagen!