Han stiller tøffe krav til Vestfold
Terje Riis-Johansen har ti krav til ei god «grunnlov» for Vestfold og Telemark.
I dag, laurdag, skal han presentere desse på fylkesårsmøtet i Telemark Senterparti i Vrådal.
– Det viktigaste kravet er desentralisert skulestruktur, der alle delar av fylket skal ha eit godt skuletilbod. Elevar skal i størst mogleg grad kunne fullføre vidareutdanning utan å måtte flytte på hybel, seier Terje Riis-Johansen til Varden.
Han avviser framlegget om fritt skuleval, og krev at det nye fylket får tre inntaksområde: Øvre Telemark, Nedre Telemark og Vestfold.
Vil styrkje Skien
Den tidlegare statsråden ser det elles som svaert viktig å styrkje Skien som fylkeshovudstad.
–Naturlege hovudstadsfunksjonar skal leggast til Skien. Eit samanslege «Visit Vestfold og Telemark» bør ha hovudkontor i Skien. Alle - også Vestfold - vil tene på at Skien får meir musklar, understrekar Riis-Johansen.
Andre krav på lista hans er prioritering av vedlikehald av dårlege fylkesvegar, råderett over og tilbakeføring av kraftinntekter til dei delane av det nye fylket som har kraftproduksjon. Han meiner vidare at den nye fylkeskommunen bør eige og utvikle Telemarkskanalen. Regionale utviklingsmidlar skal prioriterast i naeringssvake område. Etablering av nye arbeidsplassar er ein føresetnad for å utvikle heile fylket, ifølgje Riis-Johansen.
To flyplassar
Han krev òg to flyplassar, Notodden lufthamn skal utviklast, i tillegg til Torp. Følgje opp verdsarvstatusen og styre etter formannskapsmodellen er dei andre krava. Terje RiisJohansen seier nei til parlamentarisme i Vestfold og Telemark fylkeskommune.
Det var elles stor stemning på fyrste dag av fylkesårsmøtet, med mykje ros til leiinga og fylkeskontoret for opplegget med valkampen som sikra partiet eitt mandat i Telemark.