Deler ut millionbonus

To år gamle Telemark ByggEntreprenør AS deler i år ut samla bonus på over ein million kroner til dei tilsette.

▶ – Det er dei faste medarbeidarane våre med timebetaling som får dette. Bonusen utgjer 35 kroner per time, eller kring 60.000 kroner for ein tilsett som har jobba 1.700 timar i 2017, opplyser dagleg leiar og aksjonaer Tor Magne Nevestveit til Varden.

– Det er moro å gje litt tilbake til tilsette som står på, legg Nevestveit til. Han trur at ordninga er positiv for motivasjonen.

Alt fyrste driftsåret delte selskapet ut bonus - da på 240.000 kroner. I år er den meir enn firedobla.

– Ei fin ordning. Alle er fornøgde med dette, seier Kristian Eika, ein av dei meir enn 20 tilsette som nyt godt av ordninga. Bøheringen jobba som snikkar fram til i fjor, men har no gått over i stillinga som prosjektleiar med sal av einebustader. Han har timeløn, og vil dermed ha ordninga også framover.

Enorm vekst

Telemark ByggEntreprenør starta drifta på nyåret i 2016. Fyrste året var driftsinntektene naer 27 millionar kroner og resultatet 1,1 millionar kroner. I fjor blei omsetninga nesten tredobla, til 79,8 millionar kroner. Resultatet før skatt - etter utbetaling av ein million kroner i bonus - utgjorde 3.7 millionar kroner

– Me er svaert godt fornøgd. Det er kjempemoro å ha fått ein slik start, seier Nevestveit.

I år budsjetterer han med 105 millionar kroner i inntekter. Selskapet har nettopp tilsett tre nye medarbeidarar, slik at staben tel 28 personar, inkludert to laerlingar.

– No ønskjer me ei utflating både på inntekter og tilsette. Ordremassen er i dag mellom 60 og 70 millionar kroner, ifølgje Nevestveit. På toppen kjem deira eiga bygg på 400 kvadratmeter som skal førast opp i år, der selskapet skal leige ut 100 kvadratmeter.

Jakt på kontraktar

Toppsjefen seier at det er bra trykk i bustadmarknaden, men at utfordringa er å skaffe nye, langsiktige kontraktar.Firmaet er snart ferdige med driftsbygningen på Uvdal gard i Bø og til hausten står den nye skulen i Sauland klar.

– Nokre av prosjekta som er eller blir lagt ut i regionen er for store for oss, seier Tor Magne Nevestveit.

Han opplyser elles at aksjonaerane ikkje tek ut utbytte. ▶ Halvor Ulvenes

FORNØGD: Kristian Eika (midten) er ein av dei som nyt godt av bonus. Tor Magne Nevestveit (t.v.) og Sigmund Verpe er båe aksjonaerar i Telemark ByggEntreprenør AS.

GOD ORDRERESERVE: Aksjonaer og dagleg leiar Tor Magne Nevestveit seier at ordremassen ligg på over 60 millionar kroner.