Han sette ny rekord
Sparebanken Din oppnådde eit resultat etter tap på 49 millionar kroner i fjor. Det er ny rekord.
– Me er svaert godt fornøgd med innteninga. Dette er tidenes høgaste overskot og me er blitt den tredje største sparebanken i Telemark. I fjor fekk banken 1.000 nye kundar, seier adm. banksjef Ben Roger Elvenes.
Får solid bonus
Ein av grunnane til det gode resultatet er at banken har klart å redusere kostnadene i prosent. Det trass i at datakostnadene har eksplodert dei siste åra. Derfor har banken sagt opp avtala med Eika-gruppen. Ei anna forklaring på resultatet er høg utlånsvekst dei siste åra.
Resultatet er så godt at kvar av dei tilsette får ein avtalt bonus på 40.000 kroner. Ifølgje årsrapporten har leiinga sett av kring 1,6 millionar kroner i bonus, inkludert arbeidsgjevaravgift. Alle, med unntak av adm. banksjef, får dette tillegget som blir fordelt mellom dei 42 tilsette.
Det var i slutten av 2013 at Bø sparebank og Seljord sparebank fusjonerte.
Sidan har både utlån og forretningskapital (forvaltingskapital) auka med heile 1,8 milliardar kroner.
Forretningskapitalen er no på 5,8 milliardar kroner. Berre i fjor auka utlåna med 530 millionar kroner.
– Denne utviklinga kan ikkje halde fram. Årsaka er strengare krav frå styresmaktene. Enkelt sagt er krava no slik at for å kunne gje lån på ein million kroner til ein privatkunde, må banken har tent 72.000 kroner i fjor. For naeringslivet er kravet 200.000 kroner per utlånsmillion, seier han.
Null problem
Banksjefen understrekar at det er inga problem å få lån for verken privatkundar, eller eksisterande naeringslivskundar.
– Vårt mål er å skape og bevare arbeidsplassar. No har banken naer ein milliard kroner i utlån til naeringslivet i Midtog Vest-Telemark. Eg føler derfor at me er ein god bidragsytar til veksten i regionen, seier Ben Roger Elvenes.
▶ Halvor Ulvenes