Refsar barnevernet
Advokat Sulman Maroof Hussain er svaert kritisk til Midt-Telemark barnevernsteneste.
Før jul i fjor vart eit foreldrepar i midtfylket fråteke alle barna sine. Bakgrunnen var at ein tenåringsson hadde meldt frå til sosiallaeraren om valdsbruk i heimen.
Gjekk hardt ut
– Barnevernet gjekk ekstremt hardt ut og gav foreldra besøksforbod. Eg meiner dette var heilt feil, vilkåra var ikkje oppfylte. Besøksforbodet blei da også i januar i år oppheva av AustTelemark tingrett, seier Sulman Maroof Hussain til Varden.
Oslo-advokaten, som er prosessfullmektig for det aktuelle foreldreparet, har spesialisert seg på barnevernssaker.
Velfungerande barn
Han meiner at i denne saka er det tale om velfungerande barn.
– Dei har hatt det ganske bra i heimen. Ikkje noko tyder på vald. Kva for type vald barnevernet meiner har skjedd, er ikkje klart. Mine opplysningar tilseier at det var tale om at eitt av barna blei dytta for kring eitt år sidan, men dette er ikkje vald, seier Oslo-advokaten.
Han opplyser at foreldra avviser valdsbruk, og at fleirtalet av barna ønskjer seg tilbake til foreldra. Tenåringen som melde frå ønskjer å vere i fosterheim, ifølgje advokaten.
Veldig bekymra
Han er vidare svaert kritisk til korleis barna vart tekne frå foreldra i desember i fjor.
– Barnevernet henta alle barna på skulen, utan å gje foreldra beskjed. Foreldra sat uvitande og venta, og dei blei ekstremt bekymra over at ungane ikkje kom heim, seier prosessfullmektigen deira.
Sulman Maroof Hussain er vidare kritisk til at Midt-Telemark barnevernsteneste ikkje har tilbydd foreldra hjelp om rettar. Han seier at dei pliktar å gjere dette.
Uhaldbart
Fylkesnemnda har handsama saka to gonger. No skal ein sakkunnig greie ut samspelet mellom foreldre og barn.
– Rapporten frå den sakkunnige kjem fyrst i slutten av juni. Dette er uhaldbart for foreldra å vente så lenge. Det er svaert uheldig at foreldre og barn er så lenge frå kvarandre, seier advokat Sulman Maroof Hussein.
Dei aktuelle foreldra ønskjer å vere anonyme, men seier til Varden at situasjonen er fortvila.