Har fokus på ho som brøyta veg

Forfattarskapen til Bjørg Vik er eitt av dei spennande innslaga på årets Bøker i Bø.

Programmet er no sleppt for arrangementet som går av stabelen frå 4. - 6. mail. dette er den sjuande litteraturfestivalen i bygda.

– Litt av oppskrifta er at festivalen ikkje har vakse så raskt, seier Ingebjørg Nordbø, ei av eldsjelene bak dette arrangementet.

Høgskolen i Telemark, bokhandlarane i Bø, det lokale biblioteket og kommunen er med på arrangementet som har eit frivillig styre.

Ho gjekk føre

Bjørg Vik, som døydde i januar i år, brøyta veg. Forfattarskapen vert derfor presentert av Astrid Borchgrevink Lund og Per Erik Buchanan Andersen i Litteraturgarasjen.

Det blir vist til at artikkelen til Bjørg Vik i kvinnesaksbladet «Sirene» i 1973 i 2015 blei kåra som ein av dei ti beste sakprosatekstane i Noreg. Arrangementet går av stabelen på Bø prestegard, der Bø bibliotek også arrangerer ei bokutstilling. Publikum kan såleis bla litt i forfattarskapen til Porsgrunns-kvinna.

Samtale med forfattarar

Opningsdagen er det møte mellom forfattaren Thorvald Steen og Gina Winje. Han debuterte i 1983, og har skrive romanar, diktsamlingar, skodespel. Steen har markert seg som ein av landets mest internasjonalt orienterte forfattarar.

– Det blir naturlegvis fokus på den nye romanen hans «Det hvite badehuset», dette vil bli ei naer og varm samtale, seier kultursjef i Bø, Hilde Pedersen.

Laurdagen byr på møte mellom poeten Rune Christiansen og litteraturhistorikar Janneken Øverland.

Himmel og helvete

Det er tittelen på innslaget om Bibelen, der ein spør kva rolle Bibelen spelar for samtidslitteraturen og dagens forfattarar. I boksalongen vert det opplesing og samtale med Mona Høvring og Alf Kjetil Walgermo, som båe kom med nye utgjevingar i fjor. Dette arrangementet går av stabelen på Bø Hotell laurdag 5. mai.

Bjella kjem

Ei ny satsting i år er solokonsert og samtale med Stein Torleif Bjella. Den kjende musikarane debuterte som forfattar i fjor med diktsamlinga «Jordsjukantologien». Det blir opplesing frå boka, solokonsert og samtale med Heidi Stavrum.

Nytt av året er også eit større tilbod til barn og ungdom. Forfattar Veronica Salinas kjem til Bø bibliotek. Det vert også skulebesøk.

Frukost på fjellet

Som Varden har fortalt tidlegare, er det laurdag litteraer frukost på Lifjellstua med Aina Villanger, Øyvind Rimbereid og Arnfinn Åslund. Dit blir det organisert transport frå Bø sentrum. ▶ Halvor Ulvenes