Fekk skatt 87 prosent
Norsjøkraft auka overskotet med 20 millionar kroner. Over 87 prosent av resultatet går bort i skatt.
Eigarane fekk ikkje fem øre i utbytte frå kraftgiganten for året 2017. Det går fram av årsrapporten for selskapet som no er offentleg tilgjengeleg.
Solid vekst
Inntektene i fjor auka frå 44,8 til 69,2 millionar kroner. Selskapet fekk eit overskot før skatt på 24,4 millionar kroner i 2017, mot 4,2 millionar året før. Årsaka til framgangen er at selskapet i 2016 hadde store vedlikehaldskostnader på dei to kraftverka i Eidsfoss og Vrangfoss. I desse to anlegga har Norsjøkraft sidan etableringa investert 108 millionar kroner - med 34 millionar i Eidsfoss og om lag 74 millionar kroner i Vrangfoss.
Norsjøkraft måtte betale heile 21,4 millionar kroner i skatt - som svarar til ein skatteprosent på over 87 prosent. Etter det Varden kjenner til, skuldast dette at selskapet har låge verdiar på kraftanlegga i rekneskapen - og dermed vert det magert med avskrivingar. Dermed blir skatten høg. Resultatet på tre millionar kroner blei overført til eigenkapitalen.
Betre enn forventa
Styret skriv i årsrapporten at resultatet for 2017 vart betre enn forventa. Leiinga i selska- pet meiner elles at utsiktene er lysare enn på lenge, og viser til offentlege prognosar for kraftprisen for dei neste åra. Dersom kraftprisen går opp med 12 øre, så aukar overskotet til Norsjøkraft med kring 33 millionar kroner. Også av dette beløpet vil ein stor del gå bort i skatt.
Skifta styreleiar
Norsjøkraft
hadde
nyleg
generalforsamling. Der vart styreleiar Harald Kjellstad skifta ut med Oslo-advokaten Sverre Tysland. I kraftmiljøet er det blitt spekulert i om dette skuldast at kommunane ønskjer ein styreleiar som deler ut meir utbytte. I formannskapet i Bø måndag orienterte ordførar Olav Kasland om skiftet.
– Det er ingen dramatikk. Kjelstad flyttar til Trondheim, og eigarane ønskjer ein styreleiar som bur naermare. Kjelstad har dessutan sete i fem år, sa Bø-ordføraren til dei folkevalde.
Kommunane er indirekte eigarar gjennom selskapa MidtTelemark Energi og Midt-Telemark Kraft som til saman eig 66,7 prosent av Norsjøkraft. Cappelen eig resten gjennom selskapet Brennebu AS.
b Halvor Ulvenes