Ny bok om beltestakk
Beltestakken frå Telemark er i fokus ei ny bok som blei lansert for kort tid sidan.
«Min bunad Beltestakken fra Telemark» er namnet på utgjevinga på Kagge Forlag. Forfattar er Unni Irmelin Kvam. Boka er ein del av ein serie - slik at folk landet over skal bli meir kjend med bunaden sin.
Ho skriv at opphavleg vart beltestakken bruka i Bø, Sauherad, Lunde og Notodden - med andre ord indre Telemark.
«Gløymer aldri»
«Jeg kommer aldri til å glemme første gang jeg så en beltestakk fra Midt-Telemark, jeg som kommer fra en bunadstradisjon fra Nordmøre. Det har brent seg fast på netthinna», skriv forfattaren i føreordet.
Historisk streiftog
Forfattaren tek lesaren med på historiske streiftog - som da den unge, nygifte målaren Erik Werenskiold reiste til Gvarv sommaren 1883. Motivet av dei to jentene - kledd i folkedrakter - som står og snakkar saman ved eit gjerde, er blitt kalla både «Fra Telemark» og «September». Begge jentene har svarte stakkar, med eit breitt vove belte i livet. Vippebandet har duskar, så jentene var nok klare til fest.
I boka heiter det òg at felespelaren Kristiane Lund tok initiativet til at beltestakken skulle brukast i folkedans.
Eit bilete frå garden Borgja - med ekteparet Ingeborg og Halvor Borgen saman med barna - syner fire ganske forskjellige beltestakkar.
God representert
Bunadsbeltespesialisten ved Signe Merete Haugland frå Bø er godt representert med heile 16 foto i boka. Modellen brukar fleire stakkar tilhøyrande dette firmaet. Stakkane er frå 1980-talet og fram til i dag. Signe Merete Haugland har spesialprodukta «Bø blå» og Bø rosa».
– Forklebanda visast med den lengda folk ofte brukar i dag. Dette er inga fagbok, så derfor tok eg med den fridomen å gjere det slik, fortel Signe Merete Haugland.