– Blei ikkje informert
Protokolltilførselen i styret om leigeprisen for ny miljøstasjon på Gvarv nådde ikkje eigarane av selskapet.
▶ Som Varden fortalde i laurdagsavisa, tok noverande nestleiar Helge Granlund ein protokolltilførsel på saka. Han var ikkje valt inn da den økonomiske avtala blei spikra. Granlund skriv i protokolltilførselen at leiga er langt over det han kallar eit normalt nivå. Irmat skal totalt betale 910.000 kroner årleg fram til 2040 - eller kring 20 millionar kroner totalt.
Null informasjon
– Me blei blei aldri informert om dette. Eg visste ikkje om saka før oppslaget i Varden, seier Bø-ordførar Olav Kasland før dagens generalforsamling i Irmat.
– Det er eigarmøte før generalforsamlinga. Der vil kommunen sin representant be om informasjon. Kommunen ventar no på revisjonsrapporten frå Telemark kommunerevisjon om Irmat, seier ordføraren vidare.
– Kva synest du om leigenivået?
– Det er høgt, svarar ordførar Olav Kasland.
– Det er tale om lite søppel og at Bø har eigen miljøstasjon?
– Kommunestyret har bestemt at Irmat skal ta seg av renovasjonen for Bø. Mottaket på Akkerhaugen skal avviklast, det blir drive på dispensasjon, opplyser ordfdørar Olav Kasland.
Hadde avtale
Som nemnd er det selskapet Babord AS, kontrollert av Jørn Pettersen på Stathelle, som er utleigar av tomta. Av notat som Varden har fått tilgang til, går det fram at Pettersen hadde naer kontakt med Irmat da han kjøpte tomta på grensa mellom Bø og Sauherad.
«I mitt hode, og jeg tror for alle som var der, tenkte vi maks 8-8,5 mill kr som det høyst tenkelige. Når vi de facto måtte 2,5 mill kr høyere enn dette, i naert samarbeid og med «løpende godkjenning» fra Irmat pr tlf under budgiviningen, så må husleien fra Irmat reflektere ytterligere 2,5 mill i investering. Dvs. 250.000 kroner ekstra per år», heiter det i notatet frå utleigar Jørn Pettersen.
Styreleiar Eivind Eckbo i Irmat stadfesta over for Varden at selskapet på førehand hadde inngått intensjonsavtale med Jørn Pettersen om leige av tomta.
Utleigar var styreleiar i Sunde
Det høyrer elles med at utleigar Jørn Pettersen var styreleiar i Sunde Transport fleire år før konkursen, og han var vidsare styreleiar i det nyoppretta selskapet Sunde Transport & Gjenvinning i vel to år, fram til 28. november 2013, går det fram av det offentlege registeret i Brønnøysund. Sunde Transport er ein sentral aktør som hentar avfall for Irmat i midtfylket.
Varden har igjen kontakta Jørn Pettersen om utleigesaka. På ny takka han nei til å kommentere saka.
Tause igjen
Varden
ønskte
å
stille
fleire spørsmål om desse forholda, men utleigaren ønskte ikkje å høyre spørsmåla.
– Elles takk, er hans
Styreleiar i Irmat, Eivind Eckbo, svara ikkje da Varden ringde han tysdag føremiddag. Avisa sende også sms med spørsmål om kommentar til at kommunen ikkje blei informert, men det kom ingen kommentar frå styreleiaren.
▶ Halvor Ulvenes kommentar.