– Det er nok ei misforståing
Toppsjefen i Irmat, Stein Asmundsen, meiner det er ei misforståing at Sunde Renovasjon og Gjenvinning har invitert selskapet hans inn igjen i prosjekt om etablering av miljøstasjon mellom Bø og Sauherad.
▶ Det skriv Asmundsen i ein E-post til Varden, sidan han ønskte å svare på mail. Varden konfronterte han med det hemmelege notatet der det står at Sunde har invitert ( Sjå hovudartikkelen).
Stempla hemmeleg
Asmundsen skriv følgjande: «Her er det nok en misforståelse. Invitasjonen det refereres til er invitasjon til et møte for å diskutere mulig lokasjon for en felles gjenvinningsstasjonen for Bø og Sauherad. Irmatsjefen seier elles at selskapet var i sin fulle rett til å hemmelegstemple referatet sidan dette var eit forhandlingsdokument. Når det er inngått avtale, kan det frigjevast, skriv han i svaret.
Veit ikkje
På spørsmål om Sunde sin opsjon (fortrinnsrett) til å kjøpe den aktuelle tomta, svarar Asmundsen at det vart opplyst i møtet 9. november 2015. Han veit ikkje om den faktisk er gjort gjeldande, går det fram av svaret.
Amundsen opplyser at eigarane ikkje er informert om det hemmelege møtet på Stathelle, men at dei er blitt løpande orientert om prosessen og problema med å finne tomt.
«Fekk oppdraget»
Odd Sunde , som også var på møtet, seier på si side at selskapet hans hadde invitert Irmat fordi SRG fekk oppdraget med å byggje miljøstasjon.
– Det var i konkurranse med fleire andre. Eg blei spurt om eg hadde lyst til å vere med på møtet på Stathelle for eg kjente jo til Jørn Pettersen frå tidlegare. Irmat overtok prosjektet. Eg gav opp å finne tomt, seier Odd Sunde.
Jørn Pettersen, som eig utleigeselskapet Brenna Stasjon AS, nektar framleis å kommentere saka.
– Elles takk, svarar Pettersen da Varden spør om kommentar til møtet
Fjerdemann som signerte møtereferatet, daverande nestleiar i Irmat-styret, Inge Flaten, har ikkje svara Varden verken på telefon eller sms.