Lager show igjen
Skistjerner som Therese Johaug, Petter Northug og Johannes Høsflot Klaebo kjem saman med Åse Kleveland.
▶ Det er duka for eit show spekka med stjerner når TV2 har sending frå Bø Sommarland fredag 29. juni i samband med årets skifestival.
Fri fotball-VM
– Denne eine dagen tek dei pause frå fotball-VM i Russland for at me skal lage show i Bø, seier primus motor i Telemarksveka, Tormod Hynne, med eit smil.
Showet går direkte i beste sendetid på hovudkanalen til TV2, men Sommarland opnar dørene alt tidleg på ettermiddag.
– I fjor kom det 1.300-1.400 i sprutregnet. I år håpar me på 3.000 til 4.000 besøkande, seier Hynne.
Sendingane i fjor hadde på det meste 650.000 sjåarar, og var det mest sette programmet på TV 2 den sommaren.
Totalt var sjåartalet for heile Telemarksveka på kring 1,3 millionar.
Konkurranse med publikum
Hynne kan ikkje røpe så mykje, men seier at skistjernene skal ha ein konkurranse med publikum.
– Den blir hysterisk morosam, meiner sjefen for Telemarksveka.
Tidlegare kulturminister og popstjerne Åse Kleveland kjem også. Sjølve kulturdronninga i landet skal dra i gang allsong, og skape skikkeleg stemning på TV-showet som blir leia av Jan Fredrik Karlsen og Cathrine Fossum.
Alle aldrar
Andre aktørar er Freddy Kalas, Trang fødsel og Mads Hansen - fotballspelaren som står bak ein svaert populaer song i sommar. Det blir direkte innslag frå Sauherad med Knut Buen og Arve Tellefsen, direkte vêrmelding frå Gaustatoppen og foto frå fjord til fjell i fylket.
– Dette blir eit program der heile Telemark er representert, seier Tormod Hynne.
I løpet av Telemarksveka har han elles eit mål om å få Petter Northug ned Magasuget - mannen som visstnok skal ha skrekk for både høgde og vatn.