Høge kommunale avgifter

I Varden 5. juli blir det visa til uttale frå Huseigeranes Landsforbund der generalsekretaer Morten Andreas Meyer samanliknar kommunale avgifter i Telemark og seier «Det er urimeleg og uforståelege forskjeller frå kommune til kommune.» Dette viser at han ikkje har gjort forsøk eller forstått kva som ligg til grunn for avgiftberekninga.

Kor gamle er vann- og kloakkanlegga, kor store delar av kommunen har fått dette tilgjengeleg? Kor enkelt/komplisert er det å bygge ut? Kor langt er det mellom abonnentane? Kva slag vasskjelde er nytta? Det er store skilnader på utbyggings- og driftskostnadene for grunnvann og overflatevann, beliggenhet, topografi, med mer. Det same gjeld for kloakkrenseanlegg med omsyn til resipient, ledningsanlegg, antall pumpestasjoner m.m.

Må det byggast fleire vassinntak og fleire renseanlegg og pumpestasjoner påverkar dette sterkt kostnadene.

For renovasjon får ein noko av det same. Transportavstandane i Vest-Telemark som eg kjenner er ca 10 gonger lenger pr. abonnent enn t.d. heile Vestfold fylke. Arealet er ca 3 gonger større enn nevnte fylke. Det innebaerer også fleire mottakspunkt med tilsvarande faerre brukarar. Til trass for det er avgiftsnivået samanlignbart med store tettbebygde kommunar. Korleis forklare dette?

Dersom revisjon i kommunane har gjort jobben sin og kontrollera sjølvkostprinsippet noko eg føresett, så må personer/organisasjoner som er ute etter populistiske oppslag sjå kva slag konsekvenser slike oppslag har.

Klart vi skal ha kritisk syn på all offentleg verksemd men slike oppslag er etter mitt syn svaert uheldige då det skaper inntrykk av at kommunane berre forsyner seg der det passar dei. Det å skulde andre for dårleg handtverk utan dokumentasjon eller forsøk på å forstå eller finne årsaken til ulikhetene, synes eg er ei alvorleg sak.

ILLUSTRASJONSFOTO: NTB SCANPIX ULIKE KOSTNADER: Kor gamle vann- og kloakkanlegga i ein kommune er og kor komplisert det er å bygge ut dette, er blant forholda som påverkar dei kommunale avgiftene.