DNT 150 år – jubileumsfeiring på Krokan
▶ Både TA og Varden hadde prisverdig nok reportasjar frå arrangementet ved Krokan turisthytte, der DNT Telemark feira 150-åringen Den Norske Turistforening med eit flott arrangement prega av dugnadsånda i organisasjonen fredag 27. juli (biletet til høgre). Dette kom behørig fram i omtalene, som rett og rimeleg er. Men viktige innslag i programmet elles og personane som sto bak desse kom i liten grad fram.
Krumtappen som hadde aera for det meste av dette, Tor Nicolaysen, var ikkje nemd, sjølv om det var han som var meisteren bak Krokanspelet, der det kom fram på ein underhaldande og informativ måte korleis
Krokan blei landets fyrste turisthytte. Tor hadde også regien på Claus Helbergs minneutstilling, som blei presentert på utescena, med høve til å sjå ho inne i turisthytta etterpå.
At kona til avdøde Helberg og frilufts- og miljølegenden Øystein Dahle var tilstades og kasta glans over samlinga, høyrer også med til historia. Det same gjeld at representanten frå jubilanten DNT, generalsekretaer Nils Øveraas, hadde helsings- og takketale retta til arrangøren DNT Telemark.
Musikar Trond Ytterbø med bassist sto for dei musikalske innslaga, noko som gjorde det heile til ei variert og triveleg samling i steikande sommarsol i fine omgjevnader ved Krokan denne ettermiddagen.