MINISTER UTAN LANDBRUKSERFARING

Med all respekt for den engasjerte og dyktige leiaren i Norges Bonde- og Småbrukarlag, Merete Furuberg, men ho tek diverre feil dersom ho forventar at den nye landbruks- og matministeren kan gjera noko med rovdyrforvaltninga som vil bli oppfatta som positivt for landbruket. Ein kan like det eller ikkje, men det er Miljødepartementet som har ansvaret for rovdyrforvaltninga, sjølv om enkelte meiner at den burde ha ligge under Landbruksdepartementet. Forvaltninga av rovdyr er ei natur- og miljøsak, medan forvaltninga av

landbruket er dette landbrukspolitiske fagdepartementet sine primaere oppgåver. Men ein har erfart at Bård Hoksrud er flink til å «ri fleire hestar», som til dømes da han «rei» på vasskuter for å demonstrere mot lova. Når han nå har fått ein lenge etterlengta statsrådpost, må ein forvente at han held seg til det han er utnemd til å ordne med, utan sleivspark og populistiske utspel ovanfor ein potensiell tilhengarskare, mellom anna ved å tale mot Miljødepartementets sak i ulveforvaltninga. Det blir like mykje feil som om Ola Elvestuen skulle blande seg borti jordbruksoppgjeret og erstatningskrav frå bønder.

Dessutan er denne statsrådutnemninga overraskande, da Hoksrud i liten grad har engasjert seg i landbrukspolitikken, naturleg nok all den tid han er kjemisk rein for landbrukserfaring.

Ein dristig manøver av Solberg, sjølv om Hoksrud har lova å ikkje «ta ein Listhaug», men følgje i dei omstridde Frp-spora til Dale. Ein har sett for mykje av at det er nødvendig med stramme tøylar på statsrådar frå statsministerens side.