Språk skaper strid
Forbundet meiner at kommunen bryt lova og saboterer oppretting av reine bokmålsklasser.
▶ Saka gjeld ein språkstrid ved Bø skule. Bokmålsforbundet har skrive brev til Fylkesmannen i Telemark. Der ber forbundet om at Fylkesmannen straks grip inn, slik at Bø kommune følgjer opplaeringslova.
Vil ikkje
«Bakgrunnen for denne saken er kort fortalt at 10 av foreldrene til barn på 1. årstrinn har levert skriftlig krav om ren bokmålsklasse, iht. Opplaeringslovens § 2-5, 4. ledd. Skolen / kommunen ønsker øyensynlig ikke å etterkomme foreldrenes lovmessige krav, hvilket notatet fra kommunen baerer tydelig preg av. Skolen har valgt å se bort fra foreldrenes krav når de har satt sammen årets klasser på 1. årstrinn. De 10 elevene som har krevet bokmål, er fordelt på 3 forskjellige klasser, og opprettelse av ren bokmålsklasse er således sabotert», heiter det i brevet til Fylkesmannen i Telemark som er signert av formann Steinar Øksengård.
Veldig overraska
– Det er viktig for både elevar og foreldre at kommunen følgjer lovverket. Me blir litt arge når så ikkje skjer. Eg er forbausa over at skuleeigaren - Bø kommune - ikkje kjenner innhaldet i ei lov dei er sett til å forvalte. Dette er etter vår meining alvorleg, og burde utløyse tilsyn i kommunen. Det er veldig skuffande at kommunen ikkje kjen ner lova. Eg kan nemne Sandnes-dommen, der mållaget fekk medhald i at blanda klasser ikkje er lov. Ved blanda klasser kan nynorskvenlege rektorar snike inn meir nynorsk, seier Steinar Øksengård i ein kommentar til Varden.
Han legg til at opphavleg var det 15 av 66 elevar i fyrsteklasse som ønskte nynorsk. – No er dette redusert til sju elevar, ifølgje Øksengård.
Alle har ein sjef
– Kva gjer de viss de ikkje får medhald hjå Fylkesmannen?
– Da bringer me inn saka for departementet. Alle har ein sjef, avsluttar formann i Bokmålsforbundet, Steinar Øksengård.
Ordførar Olav Kasland (V) seier til Varden at dette må administrasjonen sjå på.
– Det er inga politisk sak. Bø kommune ventar på svaret som kjem frå Fylkesmannen. Det Bokmålsforbundet gjer er ein demokratisk rett, seier Olav Kasland.
Rektor ved Bø skule, Gyrid Kvaale, var ikkje tilgjengeleg for kommentar da Varden tok kontakt tysdag.
▶ Halvor Ulvenes