Bilvrak irriterer
Bilvrak og anna avfall irriterer innbyggjarane.
Det går fram av brev som Hetterud Vel, Gunheim Vel samt Gvarv Vel og Naeringslag har sendt til Sauherad kommune.
Ber om opprydding
I brevet, som vart skrive i september i år, visar ein til tidlegare kontakt om diverse forsøpling og manglande orden langs kommunale gater, vegar og naeringsområdet i Oredalen.
– Etter vår vurdering er det enkle tiltak som kostar lite, skriv dei tre organisasjonane. Dei ber om at kommunen rettar opp skeive lysmaster, fjernar bilvrak, utrangerte campingvogner og anna forsøpling i Oredalen, Hetterudfeltet og Gvarv sentrum. Foreiningane krev også opprydding rundt offentlege installasjonar som trafokioskar osb.
– Element som dette øydelegg for andre naeringsdrivande og privatpersonar som driv seriøs naeringsverksemd og held orden rundt seg. Det skjemmer bustadog naeringsområdet og reduserer verdiar for andre menneske. Me ber om at Sauherad kommune tek tak i dette straks, og vil gjerne få tilbakemelding med ein konkret og tidfesta framdriftsplan, skriv Hetterud Vel, Gunheim Vel samt Gvarv Vel og Naeringslag.
Må ha lager
Varden har vore i kontakt med ein av eigarane av på Oredalen Industriområde. Vedkomande seier at han har fjerna ein del etter krav for kommunen.
– Eg som driv naeringsverksemd må også ha lov til å ha eit lager på eit naeringsområdet, seier han.
Vil handle
Ordførar Mette Haugholt seier til Varden er ho veit om problemet med bilvrak i bygda, men at ho ikkje kjenner til brevet som er sendt til kommunen.
Haugholt fortel vidare at ho har forsøkt å undersøkje saka med administrasjonen.
– Administrasjonen handsamar slike saker og no er det haustferie og vanskeleg å få konkrete svar. Dei vil ta seg av dette i neste veke, seier ordførar Mette Haugholt i Sauherad.