Me skulle høyrt på kommunistane den gongen.
Viser til lesarbrevet frå Trond Andersen, 6. oktober på side 21, «Ap sørget for utflaggingen». Trond Andersen har fått mange faktafeil i sitt lesarinnlegg.
Det var nok tap av arbeidsplassar for sjøfolk i løpet av 1960,- 1970- og 1980-talet, men det var ikkje så mykje av det som fann stad under Arbeidarpartiet. Dei faerrast har fått med seg at utflagginga og det store raset i talet på norske sjøfolk foregjekk i 1981-1986, under Kåre Willoch.
Dette talet på 40.000 som var borte er for det første for stort. Det var ein plass mellom 30.000 og 35.000 som forsvann. For det andre skjedde det over ei tidsperiode på naerare 30 år, og inkluderar ni ulike regjeringar av varierande partisamansetting, og mesteparten av tida med eit borgarleg fleirtal i Stortinget, så å leggje all skulda på Arbeidarpartiet blir i praksis ei historieforfalsking.
Faktisk er det tvert om under borgarleg regjering mesteparten av arbeidsplassane rauk. I dei 20 åra frå 1960 til 1980 forsvann det nesten 10.000 arbeidsplassar for norske sjøfolk. Det var rett nok oftast med regjeringar frå Arbeidarpartiet, men det var òg ein del samlingsregjeringar frå dei borgarlege partia. I dei 5 neste åra, under Willoch, forsvann det like mykje på ein firedel av tida, nesten 10.000 arbeidsplassar for sjøfolk.
Ved innføringa av NIS i 1987 forsvann det til samanlikning noko under 3.500 arbeidsplassar for norske sjøfolk. Kåre Willoch åleine i sine fem år stod for over ein tredjedel av dei sjøfolka som gjekk på land frå 1960 til NIS var gjennomført i 1987, og det var tilsvarande tre NIS-innføringar!
Vedlagt avskrift av ei kurve som Dag Bakka jr. brukte i si bok «I hardt vaer», 1999, basert på tabell frå St.meld nr 39 (1988-89). Som ein kan sjå på den kurva gjekk faktisk talet på arbeidsplassar for norske sjøfolk opp att i 1988, og det var under Arbeidarpartiet.
Når det er sagt, så er det ein skam korleis krigssiglarane vart handtert, som Andersen òg er innom. Det var eit samla Storting, med unntak av Norges Kommunistiske Parti (NKP) og ein liten handfull andre representantar som braut med sine parti, som stod for dei. Me skulle høyrt på kommunistane den gongen.