Tok eit kraftig oppgjer med Frp
Stortingsrepresentant Geir Jørgen Bekkevold tok eit kraftig oppgjer med Frp på det ekstraordinaere fylkesårsmøtet i går kveld.
▶ Da Varden gjekk i trykken, var resultatet av røystinga ikkje klart. Ordskiftet blei mykje lenger enn det som var den opphavlege køyreplanen for møtet.
Syn respekt
I opningstala sa fylkesleiar Erik Naes at han trur det blir jamt på det ekstraordinaere landsmøtet neste fredag. Naes understreka òg at det blir viktig å syne respekt for kvarandre. Olaug Bollestad og Geir Jørgen Bekkevold orienterte om partiet si sjel. Bodskapen er at KrF ønskjer eit varmare og meir inkluderande samfunn. Ei samla partileiing vil om kort tid lansere ei barnereform - med blant anna ei kraftig høgding av barnetrygda og styrking av foreldrepengane.
– Gratis barnehage for barnefamiliar frå barn 3 og oppover, sa stortingsrepresentant Geir Jørgen Bekkevold da han orienterte om programmet.
Kraftig oppgjer
I tala etterpå tok han eit kraftig oppgjer med Frp.
– KrF er eit parti som løfter menneskeverdet. Eg deler partileiar Knut Arild Hareide sin analyse. Avstanden til Frp er for stor, og det var ikkje me som valte bort Høgre, sa Bekkevold frå talarstolen. Ap og Sp er det naermaste ein kjem sentrumsalternativet. Frp vil ha aktiv dødshjelp, frislepp i alkoholpolitikken og bordellar i Noreg, la han til. Han peika på at å gå inn i regjering med dette partiet vil vere å bryte valløftet frå i fjor. Bekkevold vedgjekk òg at det er skilnad til Ap, men meiner at å gå inn i ein slik regjering kan bety eit lineskifte for landet. Tingmannen frå Telemark sa at Ap har vore ein solid støttespelar for KrF.
Nestleiar Olaug Bollestad hadde også innleiing.
Ho vil inn i ei regjering med Høgre og Frp.
For og mot
Medan Knut Duesund frå Notodden støtta Hareide, hadde Torgeir Ljosland frå same partilaget det stikk motsette synet.
– Erna er vår statsminister og me har fått godt betalt. Det verkar framand å gå i regjering med Ap. det burde vore ei uravrøysting, men slik blei det ikkje.Deteruheldigåfelleeiregjering, sa Ljosland. Aadne Røilid frå Drangedal og Torstein Haukvik frå Sauherad meinte det same.
OBS: Oppdaterte nyheter om røystinga på varden.no
▶ Halvor Ulvenes