Hengebru blir stengt
Hengebrua i øvre Bø blir stengt inntil vidare frå 2. november. Bakgrunnen er at den er i dårlegare stand enn forventa.
Det var lokalavisa Bø blad som fyrst omtala saka.
– Me gjer dette av omsyn til tryggleiken. Det er tre alternativfull opprusting til kring tre millionar kroner, oppgradering til gang- og sykkelbru eller full stenging. Førebels har me ikkje fått svar på kva alternativet med gang- og sykkelbru vil koste, opplyser kommunalsjef Vidar Lofthus til Varden. Stenginga skjer etter råd frå konsulentfiramet Safe Control.
Vegsalt skaper trøbbel
Lofthus fortel av vegsalt frå riksvegen har ført til rust i bjelkane, og også andre delar av brua er blitt svekka. Han opplyser at planutvalet handsamar saka i fyrste møte, og sidan kjem den til formannskap og kommunestyre. Påtroppande ordførar Borgar Torbjørn Kaasa (Sp) opplyser til Varden at han ikkje tør å love noko.
– Politikarane må sjå dette i samanheng med budsjettet for 2019, seier han.
Denne bilbrua, som er eit viktig samband mellom sørsida og nordsida av Bøelva, er snart 50 år gamal. Bygging av bilbrua vart sett ut på anbod i 1969.
Oppsitjarane betala
Ein del av finansieringspakka var at oppsitjarane på båe sider av elva skulle koste tilstøytande veg. Byggmeister Thor Napastaa hadde billigaste tilbod med ein totalsum på 131.467,50 kroner. Broren Olav Napastaa kom med eit anbod på 154.600 kroner Tidlegare var det ei gamal gangbru over elva, der rekkverket var svaert mangelfullt. Bilbrua vart bygd i same området ved Tjønntveit, men truleg vart den blei flytta eit lite hakk vestover – det vil seie i retning Seljord.