Forteljingar om hus
Det er knytt mange spennande soger til dei 150 husa som Per Bernt Tufte brettar ut i den nye boka si.
I «Hus i Holla III» er det 150 bilete av hus frå farne og nye tider.
– Eg er godt fornøgd med resultatet, seier forfattar Per Bernt Tufte som gjev ut boka på forlaget sitt Hi-Fo Ulefoss.
Totalt har han presentert kring 450 bilete i dei tre binda. Tufte seier at det ikkje ligg i korta at det kjem fleire bøker i serien.
– Fyrste bindet er utseld. Eg har nokre bøker igjen av den andre boka, seier skribenten frå Ulefoss som har skrive fleire andre bøker og bidrege med artiklar i serien Holla-Minner i over 30 år. ▶ Halvor Ulvenes halvor.ulvenes@varden.no