Borgar er den nye sjefen

Bø har fått ny politisk sjef. Borgar Torbjørn Kaasa (Sp), som har vore likningssjef for ti kommunar i Telemark, hadde fyrste dag i ordførarstolen torsdag.

Senterpartiet har berre tre av dei 25 representantane i kommunestyret, men den nye ordføraren meiner likevel at han har bygda bak seg.

Samrøystes valt

– Eg blei samrøystes valt av kommunestyret. Dei representerer bygda, seier Borgar Torbjørn Kaasa i ein prat med Varden. Kaasa seier at han har fått mange fine helsingar i samband med jobben.

– Det er både moro og spennande, seier han.

– Kva blir viktigast

– Utfordringa er å halde oppe og vidareutvikle det gode framover? tenestetilbodet som kommunen leverer til innbyggjarane. Økonomien er ein flaskehals med stramme rammer, men som ny kommune stiller me i framtida sterkare enn om Bø hadde stått åleine. Kaasa ser det vidare som viktig å behalde Gullbring og bidra positivt til bedriftsetableringar.

– Me må vere positive og ein ja- kommune. Det er sjølvsagt at slike etableringar må skje innanfor godkjende planar og offentleg regelverk. For å sikre den gode veksten, er det viktig å skape nye arbeidsplassar, seier han vidare.

Lang fartstid

Den nye ordføraren er 63 år, og har arbeidd 42 år i skatteetaten.

– Blir det lettare å snyte skatt no som du ikkje er i jobben?

– Dei illojale blir passa godt på av etaten, avsluttar Borgar Torbjørn Kaasa.

▶ Halvor Ulvenes

POSITIV: – Innanfor vedtekne planar og rammer er det viktig for kommunen å vere positiv, seier ordførar Borgar Torbjørn Kaasa.