Flyinvestoren tente 9,9 mill.
Maeland-familien tente i fjor nesten 18 millionar kroner på flyinvesteringa på Geiteryggen.
▶ Gründer Svein Gunnar Maeland toppar inntektslista i Bø, før han har seld eit einaste eksemplar av flyvaskemaskina han har funne opp. ▶ Skattelistene viser at Egil Funnemark har Telemarks største formue. Ukjende Dag Andresen (29) hadde størst inntekt.
Dei eventyrlege inntektene har samanheng med at familien i Bø har selt ut 40 prosent av aksjane i selskapet MSG Invest. Det stadfester administrerande direktør Svein Gunnar Maeland i MSG Production AS over for Varden. Dette selskapet i Skien skal produsere maskiner for vask og avising av fly.
Nesten ti millionar
Han ligg heilt øvst på inntektstoppen i Bø med ei inntekt på 9,9 millionar kroner. Dette medførte at 41-åringen betala nesten tre millionar kroner i skatt. Maeland står oppført med ein formue på 941.000 kroner.
Maeland selde i løpet av fjoråret 29 prosent av aksjane sine i MSG Invest – ned til 51 prosent. Foreldra hans, Maj Snefrid Maeland og Gunnar Maeland, selde også totalt 11 prosent av aksjane – og sit derfor tilbake med totalt ni prosent.
Foreldra selde aksjar
Gunnar Maeland stadfester òg over for Varden at inntektene til han og kona er knytt til sal av aksjeposten i MSG Invest. Gunnar Maeland hadde i fjor ei inntekt på 5,4 millionar kroner og betala 1,7 millionar kroner i skatt. Tilsvarande tal for kona Maj Snefrid er 2,6 millionar kroner i inntekt og 700.000 kroner.
Ekteparet saman med sonen Svein Gunnar Maeland tente derfor kring 18 millionar i fjor, og bidrog samla til fellesskapet med 5,3 millionar kroner i skatt.
– Det hyggjelege her er at det finst investorar som har tru på det me driv med, seier Svein Gunnar Maeland i ein kommentar til Varden.
Dette er kjøparane
Blant kjøparane er Heidenreich-Riis og Lillefjaere AS i Skien, Govig AS frå Stavanger og Bø 2000 Consulting, alle med 10 prosent kvar. Bak sistnemnde står Hans Aarak og hans familie samt Oddgeir Torekåsa. Investeringsselskapet Josbp AS med adresse i Skien eig fem prosent i MSF Invest.
– Aksjesalet har gjort at me kan utvikle oss vidare her på Geiteryggen, og no har også investorar kjøpt seg inn i hovudselskapet MSG Production, opplyser Svein Gunnar Maeland.
Slik er planen
– Korleis vurderer du situasjonen i dag?
– Me planlegg å starte produksjon/montering av den fyrste maskina i februar /mars 2019. Ingen kontrakt er signert enno, men me er optimistar.
Ei slik maskin vil koste i området 100–150 millionar kroner. Med ein gong kontrakten er på plass, vil det vere behov for 10–20 nye arbeidsplassar, seier Svein Gunnar Maeland.
Han fortel om at framover vil det vere mange demonstrasjonar og bedriftsbesøk til det nye anlegget på Geiteryggen.
– Interessa er svaert stor, seier Svein Gunnar Maeland.