Konkurs etter seks månader
Cafe 28 på Bøsenteret blei slege konkurs tysdag.
Kafeen opna i starten av mai i år, og berre eit halvt år er konkursen eit faktum.
– Det har vore bra med folk, men det nyttar ikkje når gjestene berre kjøper ein kaffikopp og eit kakestykke. Me var på to jobb og omsetninga blir for liten. Det nytta ikkje å få det til å gå rundt økonomisk, seier Anne Nyheim Buverud som er oppført som einaste aksjonaer i kafeen. Eigaren ønskjer ikkje å uttale om den økonomiske situasjonen og samla gjeld i firmaet sitt.
Nyheim Buverud uttala ved opninga i mai i år at ho hadde lyst til å starte kafe ei stund, og melde seg da ho fekk sjansen på Bøsenteret. Ho satsar der på å lage ein enkel og heimekoseleg kafe.
Anne Nyheim Buverud sende firmaet sitt til skifteretten på måndag, og tysdag vart konkursen offentleggjort i Brønnøy sundregistra.
Advokat Wenche M. Kåsa i Bø er oppnemnd som styrar av konkursbuet. Ho var ikkje tilgjengeleg for kommentar da Varden tok kontakt tysdag ettermiddag.