Nei til legalisering av cannabis
Me i IOGT jobbar med rusførebygging blant unge, og er opptatt av å minimere skadene ved narkotikabruk. Derfor vil me halde på forbodet mot narkotika.
Forbodet har ein klar preventiv effekt og sender eit viktig signal. Ei undersøking gjennomført av Sentio på vegne av Actis – Rusfeltets samarbeidsorgan (2015) viser at 84 prosent av befolkninga trur fleire ville prøvd cannabis dersom det var lovleg. Statlege utsalgsstader vil gi cannabis eit slags «godkjentstempel», og ein legitimitet som kan føre til at oppfattelsen av risiko minkar. Forskning viser at redusert risikooppfatning er med på å senke terskelen for bruk.
Frå rusforskninga veit me at auka tilgjengelighet gir auka bruk. I Noreg har me låg cannabisbruk både blant unge og vaksne. Lovlege utsal vil auke generell tilgjengelighet og sosial aksept, som også vil påvirke ungdomsbruk.
Det er ingen grunn til å tru at legalisering vil bidra til mindre samfunnskade. Dei siste befolkningsundersøkelsane frå USA viser at cannabisbruken har auka meir i Colorado enn i resten av landet. Colorado er blant dei statane som har høgst bruk. Høgst er forbruket i aldersgruppen 18-25, der nesten ein av tre er regelmessige brukarar.
Parallelt med aukinga i bruk har ein sett ei auking i talet trafikkdrepte som får påvist THC i blodet. Det same ser me i Washington, den andre staten som vedtok legalisering i 2012. Også talet cannabisrelaterte akuttinnleggelsar på sjukehus har auka i åra etter legalisering. Aukinga har vore saerleg stor blant ungdom.
Alle som er opptatt av å gjere cannabis til eit «mindre skadelig fenomen» bør vere tydelege på skadepotensialet. Cannabis er eit stoff med klar risiko. Ifølge Verdas helseorganisasjon blir ein av tre daglegbrukarar og ein av seks unge som brukar regelmessig avhengige. Stoffet auker risikoen og forverrer behandlingsforløpet for psykiske lidelser som psykose og schizofreni.
Cannabis er også knytt til auka fråfall i skulen på grunn av dårligare evne til å huske og laere nye ting. Ungdom er spesielt utsette for skadevirkningene av cannabis, fordi hjernene deira framleis er under utvikling. Som professor Svend Davanger skrev i Aftenposten i sommar, trugar cannabis sjelden livet, men det trugar måten me lever det på.
Behanlingstal viser at også i Noreg opplever mange problemer knyttet til cannabisbruk. Antallet pasientar som søkte seg til behandling med cannabis som sitt hovedproblem har auka med 44 prosent sidan 2010. Cannabispasienter utgjer no den største gruppa blant dei som søker behandling for fyrste gong i Noreg.
Det er svaert naivt å tru at regulert omsetting av cannabis vil gjere tilgangen mindre for ungdom. Brei erfaring frå det strenge omsetningsregimet rundt alkohol er at ungdom likevel får kjøpe i butikk, at foreldre, eldre sysken og vener langer og at det framleis skjer omfattande uregulert omsetning.
I Noreg har me låg cannabisbruk både blant unge og vaksne. Det mener me i IOGT at det er viktig å halde på. I ruspolitikken gjeld det å vere føre var. Ei legalisering vil ikkje gjere cannabis til eit mindre skadeleg fenomen. Tvert imot risikerer me at fleire får problem og dett utanfor.
Nils Johan Svalastog Garnes