Har skrivekurs på heimebane
Fyrste helga i januar får skriveglade sjansen til å perfeksjonere seg ytterlegare.
Da held nemleg Bøker i Bø personleg skrivekurs på Lifjellstua.
Forfattaren Edy Poppy, som eigentleg heiter Ragnhild Moe, vil gje deltakarane oppgåver og tips i korleis du kan bruke livet ditt som utgangspunkt for å skrive fiksjon - eller ein sjanser med både sant og usant.
Debuterte som 20-åring
Bø-kvinna, som er fødd i 1975, debuterte som 30-åring med romanen Anatomi.Monotoni.
Novellesamlinga Sammen. Brudd kom seks år seinare. den fyrste romanen er oversett til ei rad språk, og i fjor blei den omset til engelsk og lansert i USA, England og Irland. Edy Poppy held også ulike skrivekurs, sist var ho hjå Irish Writers Center i Irland.
Skrive om eigne liv
– Det er blitt stadig meir populaert - både blant kjende forfattarar og amatørar - å skrive om sine eigne liv. Dette har me tenkt på lenge, og da gjeld det å nytte dei fasilitetane som ein har i Bø, seier Ingebjørg NordbøiBøkeriBø.
Ho opplyser at det alt har meldt seg deltakarar.
– Me må ha minimum åtte personar. Det ser ikkje ut til å vere noko problem, men arrangementet har ikkje plass til leire enn 15, legg Nordbø til.
Dei gode samtalene
Ann Kristin Skogen ved Lifjellstua seier på si side at dei skal prøve å gje deltakarane ei fin ramme med god mat og drikke.
– Da kjem dei gode samtalene av seg sjølv. Det gjer ikkje noko om det er litt ruskevêr, seier Ann Kristin Skogen.
▶ Halvor Ulvenes