Syklar 8000 km til jobben kvart år
Kvar einaste dag syklar Reidun May Smørdal til jobb. Berre i løpet av dei seks siste åra har ho lagt bak seg naer 50.000 kilometer.
▶ Kvar einaste dag set Reidun May Smørdal seg på sykkelsetet for å kome på jobb. I løpet av eitt år blir dette over 8.000 kilometer. – Dette er ikkje så stort. Eg brukar ikkje kraft - vegen er stort sett flat, seier 53-åringen. Når vêret er ruskete, lurar ho sjølv av og til på kva ho driv med.
53-åringen bur ved Sandabrua i Øvre Bø og jobbar som butikkleiar i XL-BYGG på industriområdet Oredalen på Gvarv - ein distanse tur-retur på 36 kilometer.
Inga skryt
– Dette er ikkje så stort. Eg brukar ikkje kraft - vegen er stort sett flat, seier Reidun sjølv. Like fullt syklar kvinna, som er fødd i Bergen og oppvakse i Tønsberg, naer 8.500 kilometer i året.
Før jobben på XL-bygg var ho butikksjef for Design Forum AS i Bøgata i 14 år. Da bruka ho også sykkelen - ein distanse på 20 kilometer kvar dag. I løpet av dei siste 20 åra har såleis Reidun sykla godt over 110.000 kilometer for å kome til og frå jobb.
– Eg er ikkje oppteke av dette, men transporten til jobb. Med sykkelen brenn eg litt kaloriar på vegen, fortel Reidun som er mektig imponert av det flotte Telemarks landskapet. Sykkeltura nede rer balsam for sjela. Hoser på miljøkonsekvensen av syklinga som ein fin bonus, og synest det er topp viss ho kan vere eit førebilete for andre.
Medaljar i karate
Da ho jobba i Bøgata, sykla ho også på trening om kvelden. Den ivrige syklisten er elles glad i både symjing og skigåing. Det høyrer med at ho har tre bronsemedaljar i NM i karate. Den sporten starta ho med som 16-åring før ho skulle vere aupair i Paris.
– Eg måtte kunne forsvare meg, seier Reidun.
Veldig sympatiske
– Korleis oppfører bilistane seg?
– Dei er veldig sympatiske. Enten er eg ein yndling i trafikken, eller så er dei veldig greie, seier Reidun som får mange kompliment frå sambygdingane for syklinga.
Ho er godt utstyrt med refleks og lys, men sportsbutikken har ikkje klart å levere piggdekk til sykkelen i år. Det går med om lag 5.000 kroner i året til vedlikehald av den. – Ingen planar om elsykkel? – Er du gal, får ikkje noko trim av det. Mange andre har spurt meg om dette, avsluttar Reidun May Smørdal.