Byggjeboom i Bø
– Berre på Nordbøåsen er 52 bustader ført opp eller under bygging på to år, opplyser avdelingsleiar Aslak Gilde ved teknisk etat til Varden.
Heile området er regulert for kring 400 bustader.
Liten «bydel»
– Når bustadområdet er ferdig utbygd, vil det bu kring 1.000 personar på Nordbøåsen. Med den utviklinga som Bø har så trengst det 50 nye bustader i året, seier avdelingsleiaren vidare.
Teknisk sjef Vidar Lofthus i Bø kommune har følgjande kommentar..
– På Nordbøåsen blir veksten synleggjort.
Lofthus opplyser vidare at teknisketatprioriterer bustadutbygginga r, fordi dette er viktig for å skape vekst i bygda.
– Me har grei kapasitet til å handtere dette, seier Vidar Lofthus
Går unna
Nordbøåsen Utbyggingsselskap er ein svaert sentral aktør i området. Dagleg leiar Vigdis Elida Moland Verpe seier til Varden at i det gamle feltet deira er det berre to tomter igjen som ikkje er selt. Det feltet er på 55 tomter.
– I det nye feltet vårt er det 107 tomter. 13 av desse er alt omsett, og fleire har i tillegg reservert tomt. 14 tomter skal vere byggeklare til hausten og 67 tomter er detaljprosjekterte i dette feltet. Me er svaert godt fornøgd med utviklinga, seier ho.
Det er mannen hennar, Kjell Aage Verpe, samt Halvor Nordbø og Ingar Berge som er grunneigarar i området til dette selskapet.
Byggjer skibru
Lysløypa ligg også på Nordbøåsen. I samband med den er det eit krav i reguleringsplanen at det skal byggjast skibru. Arbeidet med den er i gang. Tysdag var gravemaskinene i full sving.
– Den skibrua er kalkulert til 2,1 millionar kroner, er seks meter brei og med eit spenn på 16 meter. Løypemaskina kan passere den. Utbyggingsselskapet har hatt eit godt samarbeid med aktuelle lag ved prosjektering av dette anlegget.
– Kva er prisen på tomtene? – Den ligg på frå 690.000 kroner og oppover. Storleiken er frå 690 kvadratmeter og til over eitt dekar, avsluttar Vigdis Elida Moland Verpe.