Jobbar for å redde den tradisjonsrike bedrifta
Alle tilsette i den tradisjonsrike industribedrifta er sagt opp. No jobbar både eigarane og det kommunale selskapet for vidare drift.
Bømek i Bø har vore underleverandør til norsk industri sidan starten i 1984. I fjor var det ni tilsette i selskapet. Tidlegare i haust fekk alle medarbeidarane brev med oppseiing. Per i dag er det fire tilsette igjen i bedrifta.
Jan Tjaereberget er både styreleiar og likestilt aksjonaer i Bømek med Arild Skarshaug. Båe har 50 prosent av aksjane i selskapet. Karane tok fagbrev og arbeidde saman i Skien Tynnplate i åtte år, før dei etablerte Bømek i 1984. Bedrifta heldt fyrst til i Folkestadgrenda i Bø, men etter ti år flytta den inn i eigne lokale på Grivimoen. Eigedomen med ei tomt på kring 8,5 dekar vart i vår annonsert til sals for 15,1 millionar kroner.
Eridialog
Tjaereberget seier at alderen gjer at dei er forsynte og derfor ikkje ønskjer å drive vidare sjølve.
– Målet er vidare drift, og derfor er me i dialog med MidtTelemark Naeringsutvikling for å få til ei løysing. Det er fleire interessentar frå Telemark som me jobbar med, seier Jan Tjaereberget i sin kommentar til Varden.
Har svinga
Han opplyser at selskapet hadde god inntening etter tusenårsskiftet. Ifølgje det offentlege registeret i Brønnøysund låg overskota for 2011 og 2012 på mellom to og tre millionar kroner før skatt. Sidan har det svinga. I fjor gjekk Bømek med eit underskot på vel 1,1 millionar kroner. Året før var det omtrent balanse medan Bømek dei to føregåande åra hadde overskot på kring ein kvart million kroner.
På den andre sida har Bømek Eiendom, som eig lokala, svaert god inntening. Overskotet i fjor var 1,3 millionar kroner før skatt medan driftsinntektene låg på 1,6 millionar kroner.
Ei rolle
Dagleg leiar Bent Gurholt i det interkommunale selskapet Midt-Telemark Naeringsutvikling stadfester over for Varden at dei arbeider med å få til ei løysing.
– Me jobbar med interessentar og målet mitt er vidare drift. Me har ein del namn på blokka og prøvar å finne ein konstellasjon som kan passe. Her kan det vere aktuelt at nokon kjøper eigedomen og andre produksjonsbedrifta, seier Bent Gurholt.
Viktig bedrift
Han seier at bedrifta er viktig også for lokalsamfunnet.
– Mange har fått sveisa gjenstandar på Bømek gjennom åra. Det vil vere synd om all fagkompetansen forsvinn ut av bygda, avsluttar Bent Gurholt.