Smekk fullt heile tida
På Beverøya Camping i Bø er det fullt kvar einaste dag. – Måndag morgon klokka ti over åtte stod det 13 på venteliste for å kome inn, fortel syskenparet Håkon Kaasa Solberg og Silje Kaasa Solberg.
– Me har hatt skiltet med «fullt» ute kontinuerleg dei ti siste dagane. Måndag morgon klokka ti over åtte stod det 13 bilar på venteliste her, opplyser syskenparet Silje Kaasa Solberg (23) og Håkon Kaasa Solberg (27) til Varden. Dei fortel om ein som hadde køyrt heile natta for å prøve å sikre seg plass
Folka på venteliste blir ringt opp fortløpande når nokre dreg frå plassen, det varierer frå fem til 20 bilar som forlet drop-inplassen kvar dag. Beverøya har kring 280 plassar, av desse er 112 faste. I tillegg til campingplassane har bedrifta også 40 hytter for utleige.
Tredje generasjon
Håkon og Silje er tredje generasjon som jobbar på den populaere campingplassen, rett ved Bøelva og Bø sentrum saman med mora Astrid Kaasa. Far hennar, møbelhandlar Einar Kaasa, kjøpte Beverøya i 1972, seks år etter at bedrifta blei etablert. No i desse hektiske sommarvekene er det 1.300-1.500 menneske innom staden i løpet av eit døgn.
Fleire årsaker
Astrid Kaasa har arbeidd på campingplassen frå ho var seks år, eller i 46 år. Ho trur det er fleire årsaker til det enorme besøket.
– Det fantastiske vaeret er ein grunn. No er det faerre som overnattar her ei natt enn seks sju netter. Det er ikkje uvanleg at gjestene blir her i to til tre veker. Så folk kjem ikkje hit berre for å oppleve Sommarland. Det er også eit superbra tilbod i Bø sentrum. Mange elskar Biltema. Mannen går dit og kona på Europris, seier Astrid Kaasa.
No om sommaren er det 30 tilsette på Beverøya, mange av desse lokale ungdommar. Bedrifta har ei sysselsetjing på 7,5 årsverk.
– Ungdommane er kjempeflinke, understrekar Astrid Kaasa.
Stort sett fullt
Dagleg leiar Marianne Dale i Visit Bø rosar Beverøya for at både unge og eldre i Bø får tilgang til den populaere badeplassen. Dale opplyser elles at det er svaert godt besøk i regionen om dagen.
– Det er stort sett fullt over alt, men med noko ledig kapasitet. Besøket er kjempebra. Bedriftene sender mail til kvarandre kvar kveld om situasjonen, slik at ein får utnytta kapasiteten best mogleg. Veldig mange barnefamiliar kjem hit. Besøket har stort innslag av både vestlendingar og trønderar, samt internasjonale gjester som er fastbuande i Noreg, seier Marianne Dale.