Kjempesmell for mediesky investor
Investoren på Møsstrond har bokført store tap dei to siste åra. Samla underskot før skatt kom opp i 152 millionar kroner.
Dyranut AS, med forretningsadresse på Møsstrond i Vinje, er holdingselskapet til den styrtrike og mediesky investoren Børre Nordheim-Larsen. I 2020 blei underskotet i Dyranut på naer 39 millionar før skatt. Året før var tapet på 113 millionar. Etter skatt er samla underskot dei to siste åra på naer 156,7 millionar kroner.
Nedskriving
Børre Nordheim-Larsen er både dagleg leiar, styreleiar og eineeigar i selskapet Dyranut. Han skriv i årsrapporten at underskotet i 2020 skuldast både nedskriving av finansielle investeringar på 44,1 millionar kroner, og ein finanskostnad på 12 millionar kroner knytt til ein tidlegare salsgaranti.
Også i 2019 var nedskrivingar hovudårsaka til det store underskotet.
God utvikling Nordheim-Larsen skriv vidare at utviklinga i fleire av selskapa hans har vore positiv i 2020, og at styret generelt er fornøgd med utviklinga. Det vert peika på at fleire av selskapa i konsernet er blitt ramma av pandemien, med fall i både omsetning og inntening.
Dyranut er svaert solid med ein bokført eigenkapital på meir enn 461 millionar kroner, noko som svarar til 92 prosent av samla kapital i selskapet.
Dyranut er holdingsselskap for Ard Group AS, som i 2020 hadde store eigarinteresser i ei rad selskap - som NLI, Rainpower, Norgeseiendom, Mustad, Solve Forretningspartner og Sunkost.
Gjekk veldig bra
Sunkost med sine 105 butikkar, nettbutikk og grossistverksemd er eitt av selskapa til NordheimLarsen som gjekk bra i fjor. Sunkost hadde da driftsinntekter på kring 333 millionar kroner og eit overskot på 24 millionar kroner.
Industriselskapet NLI fekk derimot meir enn halvert driftsinntektene frå 2019 og landa på 205 millionar kroner. Underskotet før skatt blei på 7,6 millionar kroner. Styret skriv at fjoråret blei utfordrande med låg aktivitet som følgje av pandemien. Styret er ikkje fornøgd med resultatet for 2020, men peikar på at utviklinga har vore positiv sidan etableringa av konsernet for tre år sidan.
Taus
Børre Nordheim-Larsen var ikkje tilgjengeleg da Varden tok kontakt måndag føremiddag for å få kommentar til rekneskapen.