Til minne Thor Sigurd Nilsen
Så kom den triste meldinga vi hadde frykta: Vår mangeårige venn og gode kollega hadde gått bort 23. mai 2023. Han hadde nyleg flytta frå Bø i Telemark til Brumunddal. Der budde den eldste dottera hans. Eit uhell medverka til at ein sliten kropp ikkje klarte meir.
Thor Sigurd var fødd i Flekkefjord 18. august 1944. Han vaks opp saman med ei kjaerleg mor. Far i England og ein yngre bror i USA fekk han kontakt med først seinare i livet. Dei to brørne blei svaert naere venner.
Thor Sigurd hadde frå unge år ei sterk interesse for språk. Denne interessa førte han til Universitetet i Oslo (UiO), der han i 1973 blei cand. philol. med engelsk som hovudfag. Ved UiO møtte han Marit Myrstad, som etter kvart blei ektemaken hans. I 1974 flytte dei til Bø, der Thor
Sigurd blei tilsett som amanuensis i engelsk fonetikk ved Telemark distriktshøgskole (TDH), med seinare opprykk til førsteamanuensis. Han blei verande ved TDH, seinare Høgskolen i Telemark (HiT), heile sitt yrkesaktive liv, berre avbrote av eit studieår i USA ved UCLA og eitt år i England som leiar av Det norske studiesenteret i Storbritannia. Thor Sigurd utførte viktig pedagogisk utviklingsarbeid og var aktiv som laerebokforfattar. Fleire år var han sensor i engelsk ved norske universitet og høgskolar.
Studentane sette Thor Sigurd saers høgt, slik kollegaene òg gjorde. Kunnskapsrik, humørfylt, varm, vennleg og omsorgsfull nådde han inn til kvar enkelt, inspirerte til innsats, og sette varige og djupe spor i unge sinn. Etter at TDH blei ein del av HiT, underviste Thor Sigurd med stort hell laerarstudentane på Notodden og i Porsgrunn. Han var eit førebilete for dei ved si inspirerande undervisningsform. Formidlingsgleda var eit kjennemerke hos han gjennom heile yrkeskarrieren.
Det er naturleg å nemne Thor Sigurd og Marit saman som eit klokt, trygt og positivt par fordi dei samhandla så godt i eitt og alt. Dei skapte ein kjaerleg og generøs heim for dei tre barna sine, Ingebjørg, Thor Martin og Ragnhild. Heimen sin opna dei etter kvart også for Hung frå Vietnam og utvekslingsstudentar frå USA, Mexico og Brasil. Naer kontakt med dei nye familiemedlemmene hadde dei heile livet. Vi vennene fekk oppleve Thor Sigurd og Marits generøsitet og omsorg under alle våre samkomer og reiser. Kokekunsten dyrka dei begge to. Songen og musikken hadde ein sjølvsagt plass. Stemninga steig når Thor Sigurd tok fram trekkspelet. Musikken hadde han med seg frå tidlege barne- og ungdomsår. Alt i 11-/12-årsalderen spelte han i band i Flekkefjord, og i Midt-Telemark ungdomskorps var han ein viktig bidragsytar til det aller siste.
Det blei tungt for familien då Marit blei alvorleg sjuk og døydde i 2017. Trass i naer og god kontakt med barn, svigerbarn og barnebarn, gjekk tapet av Marit sterkt inn på Thor Sigurd. No er dei begge borte. Gode minne har vi med oss vidare, og vi sender våre varme tankar og medkjensle til barn, svigerbarn og barnebarn.