PH twin destinations alok sa mga turista
Tinatarget ng Department of Tourism (DOT) na ipares ang mga destinasyon sa Pilipinas sa iba pang mga bansa sa Asia, sa gitna ng “rising to popularity” ng Asia Pacific na ngayon ay mas gusto nang puntahan ng mga turista mula sa United States.
“There is no better time than now to leverage on the dawning of the Asian century,” ani Tourism Secretary Wanda Corazon Teo sa idinaos na Philippine business mission sa San Jose, California.
Nagsalita si Teo sa 40 Asian-American travel agents at media na kumakatawan sa Vietnam, Thailand, Hong Kong, China, at Taiwan; mga kinatawan mula sa PAL, gayundin ang mga miyembro ng Philippine delegation. Hiniling niya ang kanilang suporta sa pagpapalakas sa people-to-people exchanges at tourism activities sa pagitan ng Pilipinas at kanilang mga bansa.
“As early as 2014, the other side of the world like the US has begun discovering and rediscovering the Philippines placing us on the top four preferred destinations along with China, India, and Japan,” diin niya.
“We will take advantage of the Americans’ interest on the Philippines,” dugtong ni Purificacion Molintas, DOT attache sa San Francisco.
Sinabi ni Teo na ang mga bisita mula US ay karaniwang dumadaan sa Hong Kong, Singapore, Bangkok at Kuala Lumpur.
Itinuturing na “exotic area” ang Asia Pacific at ang rehiyon ang bagong destinasyon, lalo na ng karamihan ng mga Amerikano na nalibot na ang Europe at South America.
“While destination twinning has already been an established program of the DOT in the recent years, we have been working to expand the reach of this strategy to new emerging markets like Vietnam, Thailand, and Malaysia, among others. And in the case of San Francisco, this is the very first time they are touching base with Thai and Vietnamese travel markets, only this year. Our target for them is to increase these markets by 10 percent in the next two years,” ani Teo.
Sinabi naman ni Molintas na kamakilan ay sinimulan nila ang pagpapatupad sa “twindestination” promotions katuwang ang DOT Los Angeles target ang Thailand, Vietnam at Malaysia; tinukoy ang California, kasama ang Vancouver, na perfect market para sa programa.
Ipinapares din ng DOT San Francisco ang Manila sa Vietnam, sa pag-aalok ng PAL ng special rates para sa Manila-Saigon, US-MLASiagon.