Aussie scientists, nakalikha ng gamot na kayang lumaban sa cancer
NAKALIKHA na ang Australian researchers ng gamot na kayang baguhin ang immune system ng tao para malabanan ang cancer, inihayag kahapon.
Ang bagong theraphy, na nilikha ng Peter Maccallum Cancer Center, ay may kakayahang alisin ang immune cells sa katawan upang paunlarin ito sa labas at saka ibabalik sa sistema ng katawan para labanan ang cancer.
Ang naturang immunotherapy ay napagalamang epektibo nang panlaban sa blood cancer ngunit naghanap pa ng mas epektibong paraan sina Phillip Darcy at Paul Beavis para malabanan naman ang mga solidong tumor, sa unang pagkakaton.
Ayon kay Darcy, ang mas epetikbong immune cells, na kilala bilang CAR T cells, ay hindi epektibo laban sa mga solid tumor, na kayang maglabas ng metabolite na tinatawag na adenosine, na siyang sumisira sa cells.
Nakita rin ang abilidad ng ilang tumor na kayang baligtarin ang enhancement na inilagay sa cells, upang ilipat sa T cells, na may kakayahang lumaban sa tumor.
“The suppressive tumor environment dampens down the ability of the immune cells so we needed to give the cells something extra to be able to work in those environments,” pahayag ni Darcy sa Australian media kahapon.
Matagumpay ang naging eksperimento ng mga mananaliksik nang subukan nila ang nilikhang gamot sa mga daga, na hinarang ang metabolite, na siyang naging daan para maging epektibo ang CAR T cells sa mga target tumor.
Pinagpaplanuhan na nilang subukan ang gamot sa tao.
“We are really excited by the results and the possibilities emerging from immunotherapy,” saad ni Darcy.
Ani Todd Harper, chief executive officer (CEO) of Cancer Council Victoria, sabik siya tungkol sa katuparan ng gamot “providing more targeted treatment with less side effects”.