Auction ng personal items ni Madonna, ipinatigil ng korte
Sinabing isang New York state judge nitong Huwebes na hindi maaaring ituloy ang online auction ng mga personal item ni Madonna kabilang ang satin panty na isinuot niya, hair brush na may hibla ng buhok niya, at break-up letter mula sa kanyang dating boyfriend, ang namayapang rapper na si Tupac Shakur.
Pinanatili ni Supreme Court Justice Gerald Lebovits sa Manhattan ang kanyang temporary restraining order noong Hulyo 18 na humaharang sa subasta ng 22 items ng Gotta Have It Collectibles. Magdedesisyon si Lebovits sa Setyembre 6 kung maglalabas ng preliminary injunction.
Nauna rito, nagsagawa ng legal na aksiyon si Madonna para pigilin ang nasabing auction.
Nakasaad sa mga papeles na nakuha ng ET, nagsumite ang 58-year-old singes ng emergency court order nitong Martes, na pipigil sa pagbebenta ng items niya na nakatakdang magsimula sa Miyerkules.
Kabilang sa items na ipagbibili ay ang prison letter mula kay Tupac Shakur, kung saan ipinaliwang nito ang dahilan ng paghihiwalay nila ng superstar. Kabilang sa ilang items ay ang handwritten letter para sa ex-boyfriend ni Madonna na si
Peter Shue – kasama ang “personally worn panties” – pati ang kanyang “personally owned and used hairbrush with her hair.”
Ayon sa mga dokumento, nalaman lang ni Madonna ang tungkol sa subasta sa pamamagitan ng media reports ngayong buwan.
“On or about July 8, 2017, I became aware through media reports that there was a planned auction of extremely personal, private correspondence I received from a former boyfriend, the late recording artist and actor Tupac Shakur ( the “Shakur Letter”),” nakasaad sa dokumentong isinumite ni Madonna.”I was shocked to learn of the planned auctioning of the Shakur Letter, as I had no idea that the Shakur Letter was no longer in my possession. I have never sold, gifted, transferred or otherwise disposed of the Shakur Letter, or granted anyone else the authority to do so.”